Densaýlyq saqtaý mınıstrligi medıtsınalyq qyzmetterdiń tarıfterin bekitti
Aǵymdaǵy jylǵy qyrkúıek aıynda QR Densaýlyq saqtaý mınıstrligi «Tegin medıtsınalyq kómektiń kepildik berilgen kólemi sheńberinde jáne mindetti áleýmettik medıtsınalyq saqtandyrý júıesinde kórsetiletin medıtsınalyq qyzmetterdiń tarıfterin bekitý týraly» buıryqqa qol qoıdy.
Buıryqta medıtsınalyq kómek (dárigerge deıingi, bilikti, mamandandyrylǵan, medıtsınalyq-áleýmettik) jáne joǵary tehnologııalyq medıtsınalyq kómek kórsetý tarıfteri kórsetilgen.
Bekitilgen tarıfter - bul memlekettiń medıtsınalyq uıymdarǵa bir emdelip shyǵý jaǵdaıy úshin emdeýge bıýdjetten óteıtin medıtsınalyq qyzmetterdiń quny. Medıtsınalyq qyzmettiń quny patsıentterge kórsetilgen medıtsınalyq kómektiń kúrdelilik deńgeıine qaraı ózgeredi. Atalmysh qujatta kúrdeli jaǵdaılardy emdeý kezinde medıtsınalyq uıymdar kóteretin shyǵystardy eskere otyryp, akýsherlik-gınekologııalyq jáne neonatologııalyq beıinder boıynsha qyzmetterge tólem engizilgen.
Buıryq TMKKK sheńberinde jáne odan ári MÁMS engizý kezinde statsıonarlyq jáne statsıonardy almastyratyn medıtsınalyq qyzmetterdi kórsetetin medıtsınalyq uıymdardy, ıaǵnı Áleýmettik medıtsınalyq saqtandyrý qorymen medıtsınalyq qyzmetter kórsetý týraly sharttary bar medıtsınalyq, onyń ishinde jeke uıymdardy qamtıdy.
«Osy tarıfterdiń - memlekettiń tegin medıtsınalyq kómektiń kepildik berilgen kólemi sheginde azamattarǵa tegin kórsetiletin medıtsınalyq qyzmetterge arnalǵan shyǵystary ekenin atap ótý qajet», - delingen habarlamada .