Densaýlyq saqtaý mınıstrligi Qan quıý ortalyǵynyń dırektory Alık Ysqaqovtyń otstavkaǵa ketkenin rastady

Bul týraly QazAqparat tilshisine Densaýlyq saqtaý mınıstriniń keńesshisi Natalıa Býenko habarlady.

«Mınıstr ortalyq dırektorynyń otstavkasyn qabyldady, qyzmet ornyna konkýrs ótkizilgenshe, dırektordyń mindetin atqarýǵa buǵan deıin Ulttyq medıtsınalyq holdıngte jumys istegen Qaırat Erjanov taǵaıyndaldy», dep habarlady N.Býenko.

Leıkemııa aýrýymen aýyratyn balalardyń ata-analary, balalaryna aýrýhanada qan quıýdyń saldarynan S gepatıtin juqtyrdy dep dárigerlerdi aıyptaǵannan keıin, osy otstavka oryn alyp otyr. Sondaı-aq, respýblıkalyq Qan quıý stansasynda jáne Pedıatrııa ınstıtýtynda dırektordyń orynbasarlary qyzmetterinen alyndy. Oǵan qosa, birqatar qyzmetkerlerge ákimshilik sógister berildi, keıbireýleri qyzmetterinen bosatyldy. Deıturǵanmen, Densaýlyq saqtaý mınıstrligi, leıkemııamen aýyratyn balalardyń S gepatıtin Pedıatrııa ınstıtýtynda juqtyrǵany týraly aıyptaýlardy teriske shyǵardy. Vedomstvo, aýrýdyń qan quıylǵannan keıin de juqtyrylý yqtımaldyǵyn da joqqa shyǵardy.