Densaýlyq saqtaý mınıstrligi ІT-salasynyń mamandaryn yntymaqtastyqqa shaqyrdy
ASTANA. QazAqparat - QR Densaýlyq saqtaý vıtse-mınıstri Oljas Ábishev otandyq densaýlyq saqtaý salasyndaǵy ІT-ınnovatsııalar kórmesi ótetinin jarııa etti, dep habarlaıdy QazAqparat tilshisi.
«ІT salasy men densaýlyq saqtaý salasyn ne baılanystyrýy múmkin? 2018 jyly biz densaýlyq saqtaý salasyn ózgerte alarlyq jańa jobalardy iske qosamyz. ІT-tehnologııalar, startap-jobalar, ınnovatsııalyq sheshimder - densaýlyq saqtaý salasyna engizilgen osy jobalardyń kómeginiń kóp tıetini anyq», - deıdi vıdeohabarlama ázirlegen vıtse-mınıstr.
Sonymen qatar, Oljas Ábishev medıtsınany ınnovatsııalyq baǵytta jetildirý jolyndaǵy naqty ıdeıalarǵa atsalysýǵa shaqyrdy.
«Eger búkil álemge ózińizdiń ıdeıańyzdy kórsetýge daıyn bolsańyz, 25-26 qazan kúnderi biz sizderdi Qazaqstan Respýblıkasynyń Ulttyq mýzeıinde kútemiz. Qazaqstanda qanshalyqty damý baryn kel de kórset. Mine, osylaısha biz ІT-salasynyń medıtsınany qalaı ózgerge alatynyn kórsetetin bolamyz», - delingen vıdeo-sholýda.
