Densaýlyq saqtaý mınıstrligi ishimdikpen kúresýge qosymsha qarajat bóledi
«Postkeńestik elderde alkogoldy tutyný deńgeıi joǵary. Óıtkeni adamdar retimen ishýdi bilmeıdi. Temekige salynǵandaı, meniń oıymsha, ishimdikke tyıym salynbaıdy. «Qurǵaq zańnyń» kómektese almaıtyny belgili. Sebebi, ishimdik keı adamdardyń daǵdysyna aınalyp ketkeni ótirik emes. Dárigerler «ishpe, jeme, temeki tartpa» deıdi. Al halyq arasynda osydan keıin dárigerlerdi tyıymy men keńesine «allergııa» paıda bolady. Al biz «jeseńizder jeńizder, tek shama eskerilse» deımiz. Maıly tamaq jegińiz kele me - kóp emes, azdan tutynyńyz. Palma maıynan qashyqtaý júrgen abzal. Al kópshilik negizinen bizdiń aǵzany alkogol qurtatynyn bile bermeıdi. Mine, sondyqtan, alkogoldy durys tutyna bilý - paıymdy ári kompromısti ustanym», - dedi spıker Astanada ótken jıynda.
Sarapshynyń aıtýynsha, bul rette gradýsy joǵary sýsyndardan baıqaý kerek.
«Eń aldymen, halyqpen jumys isteý kerek. Álbette, tyıym da bolýy tıis. Adamdar ishimdikti tyǵyryqtan shyǵar jol retinde kórmeýi kerek. Mysaly, biz jańa jylda ústelge shampan qoıamyz ǵoı. Bireý osylaı sabyr saqtasa, ekinshisi mereke bastalmaı turyp, bir bótelkeni kóterip úlgeredi. Bir densaýlyǵymyzǵa barlyq júkti arta almaımyz. Sondyqtan, árbir adamnyń ishimdikti tutynýda óz saıasaty bolýy kerek», - dedi Oleg Chestnov.
Buǵan mysal retinde Oleg Chestnov Alıaska men Chýkotkany keltirdi.
«Alıaskany alyp qaraıyq. Reseı jaqtaǵy Chýkotkada kóp aýyldyń turǵyndary iship ketken. Al Alıaskaǵa barsańyz, jergilikti bılik alkogolǵa qatysty saýatty saıasat júrgizip otyr. Ol jerde ishimdikten basqa barda kesh ótkizý, tennıs kortynda saıys uıymdastyrý sekildi balama qyzyqtar jeterlik. Adamdarda tańdaý bolýy tıis: ol ishkisi kele me, álde balalarmen sport zalyna barýdy jón kóre me? DDSU bul rette elderge kómektesýge daıyn», - deıdi ol.
Oleg Chestnovtyń aıtýynsha, QR Densaýlyq saqtaý mınıstrligi bul baǵyttaǵy jumysqa atsalysqaly otyr.
«Biz turaqty túrde kezdesetin mınıstr Eljan Birtanov alkogoldyń aldyn alýǵa baılanysty qarjy bólinetinin aıtty. Aldyn alý jumystaryn júrgizý úshin aǵartý jumysyn kúsheıtý kerek. Ol jumys mektepten bastalýy tıis. Bir jaqsysy, QR Densaýlyq saqtaý mınıstrligi bul jumysqa aralasyp qana qoımaı, kóp iste bastamashy da bolyp otyr», - deıdi Oleg Chestnov.