Densaýlyq saqtaý mınıstrligi: Elde jiti respıratorlyq vırýstyq ınfektsııamen baılanysty jaǵdaı - qalypty

Bul týraly QR Densaýlyq saqtaý mınıstrliginiń baspasóz qyzmetinen málimdedi.

Elde tumaýdyń taraý deńgeıi ótken jyldyń sáıkes merzimimen salystyrǵanda 4,6 paıyzǵa tómen. Syrqattyń belgilengen shekten shyǵyp ketý jaǵdaıy tirkelgen joq. Aýrýlardyń negizgi bóligin, ıaǵnı 69,9 paıyzy 14 jasqa deıingi balalar quraıdy. Epıdemıologııalyq jaǵdaıdyń kúrdelenetin merziminde zerthanalyq tirkelgen 19 jaǵdaıda tumaýdyń belgileri anyqtaldy. Bul da ótken jyldyń sáıkes merzimimen salystyrǵanda eki esege tómen.

«Dúnıejúzilik Densaýlyq saqtaý uıymynyń málimetterine qaraǵanda, tumaýdyń Eýropa aýmaǵynda taraý deńgeıi tómen. Memleketterdiń deninde azamattardyń tumaýǵa baılanysty medıtsına mekemelerine kómek surap kelý jaǵdaılary kóbine tumaýdyń beleń alatyn merziminde ǵana oryn alady»,-delingen baspasóz málimetinde.