Densaýlyq saqtaý mınıstrligi ekpeden keıingi asqyný oqıǵalary jaıynda derektermen bólisti
«Qazaqstanda ımmýnızatsııadan keıin oryn alatyn jaısyz jaıttardyń statıstıkasy jasalady. Negizinen ımmýnızatsııadan keıin oryn alatyn jaısyz jaıttar - bul ınterkýrrentti aýrýlar, ıaǵnı vaktsınatsııa júrgizý men ózge de aýrýǵa shaldyǵý ýaqyttarynyń sáıkes kelýi. Interkýrrentti ınfektsııalar vaktsına engizilgennen keıin kez kelgken kúni sozylmaly dert kúıinde shyǵýy yqtımal. Jasóspirim jastaǵy psıhologııalyq-emotsııalyq hal-ahýalǵa tán qubylys», - delingen vedomstvonyń bizdiń tilshimizge bergen jaýabynda.
Densaýlyq saqtaý mınıstrliginiń málimetterine sáıkes, 2015 jyly 15 pen 19 jas aralyǵyndaǵy qyzylshaǵa qarsy vaktsınadan keıin 399 ımmýnızatsııadan keıin oryn alatyn jaısyz jaıt tirkelgen.
«Olardyń ishinde 72 paıyzy psıhologııalyq-emotsıonaldy ahýalǵa baılanysty bolǵan. Dıagnoz jas erekshelikteri arqyly anyqtaldy - buǵan emotsıonaldyq turaqsyzdyq pen jasóspirim kezeńinde bolatyn minez-qulyqtyq reaktsııalarǵa boı aldyratyn 16 jáne 18 jas aralyǵyndaǵy qyzdar beıim kelgen. Immýnızatsııadan keıin oryn alatyn jaısyz jaıttardyń 23,3%-y ınterkýrrentti aýrýlarǵa baılanysty bolǵan. 4,7 %-ynda allergııalyq reaktsııalar oryn aldy. Aıta ketý kerek, 2016 jyly 15 pen 19 jas aralyǵyndaǵy jasóspirimderdi qyzylshaǵa qarsy ekpeden ótkizýdiń arqasynda bul aýrýǵa shaldyǵatyndardyń sany 2015 jylmen salystyrǵanda 19,5 ese azaıdy», - delingen mınıstrliktiń jaýabynda.