Densaýlyq saqtaý mınıstrligi dárihanalardy tekserýdi kúsheıtpek
Búgin QR Parlamenti Senaty Áleýmettik-mádenı damý komıtetiniń keńeıtilgen otyrysynda Densaýlyq saqtaý vıtse-mınıstri Alekseı Tsoı atalǵan zań jobasy aıasynda dári-dármekti retseptsiz berýmen kúres qalaı kúsheıtiletindigin aıtty.
«Aıtalyq, dári-dármektiń retseptisiz satylatyndyǵyn tekserý úshin 30 kún buryn dárihanalarǵa kelip tekserý júrgizetindigimizdi eskertýimiz qajet. Tekserýge bir kún qalǵanda taǵy da eskertýge tıispiz. Bizdiń mamandar tekserýge kelgen kúni dárihananyń retseptsiz satpaıtyndyǵy belgili. Bitti, osydan keıin atalǵan dárihanany 3 jylǵa deıin teksere almaımyz. ıAǵnı, bul paıdasyz jumys. Ekinshiden, patsıent shaǵym jasaýy kerek. Mundaı shaǵym da joq, eshkim bermeıdi. Demek, bul norma jumys istemeı tur», - dedi zań jobasyn tanystyrǵan Alekseı Tsoı.
Sondyqtan onyń sózine qaraǵanda, bul máselege Densaýlyq saqtaý mınıstrligi qoǵamdy tartýǵa nıet tanytyp otyr. ıAǵnı, qoǵamdyq monıtorıngileý toptary, Úkimettik emes uıymdar memlekettik tapsyrys aıasynda dárihanalardy tekserip, buzýshylyqtar týraly habarlaıtyn bolady.
Munan bólek, mınıstr dári-dármek shyǵaratyn kompanııalardyń keıbir dárigerlerge ózi ónimderin tyqpalaıtyndyǵyna da toqtaldy.
«Qazirgi ýaqytta dári-dármekti naryqta saýdalaýdyń ádep kodeksin engizýdi josparlap otyrmyz. Ol jaqta lobbıleý jıi oryn alady. Farmatsevtıkalyq kompanııalar dárigerlerdi yryqtaryna kóndirip alady. Sondyqtan biz arnaıy normamen jumys kúni ýaqytynda dárigerlermen jeke keńes ótkizýge tyıym salamyz», - dedi Alekseı Tsoı.