Densaýlyq saqtaý mınıstrligi dári-dármek tapshylyǵyna qatysty shaǵymǵa jaýap berdi
«Bizge jyl saıyn jeńildetilgen dári-dármekti qajet etetin halyq tobynan ótinishter óte kóp túsip jatady. Ókinishke oraı, mundaı problema bar jáne ol búgin ne bolmasa keshe týyndaǵan másele emes. Problema árbir jyldyń sońynda qaıtalanyp otyrady. Osy rette Densaýlyq saqtaý mınıstrligi jasap jatqan reformalar ne úshin júrgizýde degen saýal týyndady. Reforma keleshekte tegin medıtsınalyq kómektiń kepildendirilgen kólemi aıasynda qyzmet kórsetetin dárihanalarda taýsylyp qalmaýyn, qandaı da bir sebeptermen satyp alynbaı qalýyn boldyraý úshin júrgizilýde», - dedi ol BAQ ókilderiniń saýalyna oraı.
Al QR Densaýlyq saqtaý mınıstrligi Farmatsııa komıtetiniń tóraıymy Lıýdmıla Bıýrabekovanyń aıtýynsha, mınıstrliktiń dárilik zattardy paıdalaný aıasynda júzege asyryp otyrǵan sharalaryn tórt negizgi baǵytqa bólýge bolady.
«Atap aıtsaq, birinshisi - tegin medıtsınalyq kómektiń kepildi kólemi men bólshek naryǵyndaǵy baǵany retteýdi engizý aıasynda memleket tarapynan satyp alynǵan dárilik zattardyń baǵasyn retteýdiń qoldanystaǵy júıesin jańǵyrtý arqyly ekonomıkalyq qoljetimdilikti qamtamasyz etý. Ekinshisi - medıtsınalyq texnologııany baǵalaý boıynsha xalyqaralyq mexanızmdi engizý arqyly memleket tarapynan satyp alynatyn dárilik zattardyń tizimin qalyptastyrýda ashyqtyqty qamtamasyz etý. Úshinshisi - ambýlatorlyq deńgeıde tegin dárilik zattardy qamtamasyz etýdi ortalyqtandyrý jáne elektrondy satyp alýǵa kóshý arqyly medıtsınalyq texnıkany jáne dárilik zattardy satyp alýdyń ashyq rásimin qamtamasyz etý, tórtinshisi - ákimshilik kedergilerdi azaıtý jolymen medıtsınalyq ónimder men dárilik zattardy tirkeý rásimin jeńildetý», - dedi ol.