Densaýlyq saqtaý mınıstrligi Damumed tóńiregindegi daýǵa túsinikteme berdi

NUR-SULTAN. QazAqparat – QR Densaýlyq saqtaý mınıstrliginiń resmı ókili Baǵdat Qojahmetov Damumed tóńiregindegi daýǵa túsinikteme berdi dep habarlaıdy QazAqparat tilshisi.

«Sońǵy ýaqytta áleýmettik jeli qoldanýshylary is júzinde kórsetilmegen qyzmetterdiń medıtsınalyq qyzmetter aqparattyq júıesine engizilýine qatysty taqyrypty talqylaı bastady. Bul shyndyǵynda da burmalaý jáne biz mán-jaıdy anyqtap jatyrmyz», - dedi resmı ókil Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, Densaýlyq saqtaý mınıstrligi mundaı isterdiń ashyqtyǵyna múddelik tanytatyndyǵyn basa aıtty.

«Azamattardyń belsendiliginiń arqasynda ashyqtyqty qamtamasyz ete alamyz. Bul júıeniń kemshilikterin taýyp, bolashaqta qaıtalanbas úshin olardy jóndeý óte mańyzdy. Densaýlyq saqtaý mınıstrligi de, Áleýmettik medıtsınalyq saqtandyrý qory da bul jaǵdaıdy túbegeıli túzetýge múddeli», - dedi Baǵdat Qojahmetov.