Densaýlyq saqtaý mınıstrligi Astanadaǵy 42 stomatologııalyq kabınetke aıyppul saldy, 3 qyzmetker jumystan shettetildi
ASTANA. Naýryzdyń 16-sy. QazAqparat /Gúlmıra Álıakparova/ - Densaýlyq saqtaý mınıstrligi sanıtarlyq-epıdemıologııalyq talaptardy buzyp otyrǵan 44 stomatologııanyń jumysyn ýaqytsha toqtatty.
Mundaı sheshim Astana qalasyndaǵy 1 nysan boıynsha shyǵaryldy. Bul týraly búgin ótken brıfıngte respýblıkanyń Bas sanıtarlyq dárigeri Keńes Ospanov aıtty, dep habarlaıdy QazAqparat.
K.Ospanovtyń aıtýynsha, Qazaqstan aýmaǵynda jumys istep turǵan stomatologııalyq kabınetterde anyqtalǵan túrli buzýshylyqtar úshin barlyǵy 981 aıyppul salyndy. Densaýlyq saqtaý mınıstrliginiń mamandary, ásirese, Shyǵys Qazaqstan (164 aıyppul), Ońtústik Qazaqstan (103) jáne Aqtóbe oblystaryndaǵy (108) tis emdeý mekemeleriniń jumystaryna óte tómen baǵa berdi. Elimizdiń bas qalasyndaǵy stomatologııalarǵa barlyǵy 42 aıyppul salynyp, 3 qyzmetker jumystan shettetildi.
Al jumystary ýaqytsha toqtatylǵandardyń arasynda (barlyǵy 44) Ońtústik Qazaqstan oblysynyń - 15, Aqtóbe oblysynyń - 9, Mańǵystaý oblysynyń - 5, Shyǵys Qazaqstannyń - 4 jáne Astana qalasynyń - 1 nysan bar.
