Densaýlyq saqtaý mınıstrligi aldaǵy merekelerde saqtyq sharalaryn esten shyǵarmaýǵa shaqyrdy
NUR-SULTAN. QazAqparat – QR DSM Sanıtarııalyq-epıdemıologııalyq baqylaý komıtetiniń juqpaly aýrýlardy epıdemıologııalyq qadaǵalaý basqarmasynyń basshysy Roza Qojapova halyqty aldaǵy merekelerde saqtyq sharalaryn esten shyǵarmaýǵa shaqyrdy, dep habarlaıdy QazAqparat tilshisi.
«Qurmetti qazaqstandyqtar! Kele jatqan Táýelsizdik meıramymen quttyqtaı otyryp, uzaq demalys kúnderi baryn eskere kele sizderdi halyq kóp jınalatyn oryndarǵa barmaýǵa, ujymdyq is-sharalardy ótkizbeýge jáne olarǵa qatyspaýǵa, koronavırýs ınfektsııasyn juqtyrýdyń aldyn alý sharalaryn saqtaýǵa, mindetti túrde maska taǵyp, áleýmettik qashyqtyq pen gıgıena talaptaryn saqtaýǵa, quttyqtaý úshin qashyqtan baılanys quraldaryn paıdalanýǵa shaqyramyn», - dedi dedi Roza Qojapova Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha oqý jyly bastalǵaly beri 2 884 oqýshy koronavırýs ınfektsııasyn juqtyrǵan. Onyń ishinde kezekshi synyptarda oqıtyn balalar arasynda 818 jaǵdaı, qashyqtan bilim alatyn balalardyń arasynda 2 066 jaǵdaı tirkelgen.
Eske sala ketsek buǵan deıin Roza Qojapova epıdemıologııalyq jaǵdaı jaqsarǵan óńirlerde karantın sharasyn jeńildetý máselesi qaralatynyn málim etken edi.
