Densaýlyq saqtaý mınıstrligi akkredıtatsııa júrgizetin 160 ınspektordy daıyndamaq
ASTANA. 27 naýryz. QazAqparat - Densaýlyq saqtaý nysandaryn akkredıtteý boıynsha ınspektorlar retinde 160 medıtsınalyq maman oqýdan ótkiziletin bolady,
dep habarlady Densaýlyq saqtaý mınıstrliginiń baspasóz qyzmetinen.
Inspektorlardy oqytýdy aǵymdaǵy jyldyń 26 naýryzy men 14 sáýiri aralyǵynda QR Densaýlyq saqtaý mınıstrliginiń Medıtsınalyq jáne farmatsevtıkalyq qyzmetti baqylaý komıteti «Respýblıkalyq densaýlyq saqtaýdy damytý ortalyǵy» RMK Akkredıtteý ortalyǵymen birlesip ótkizedi.
Sharanyń maqsaty - elimizdiń densaýlyq saqtaý salasyndaǵy akkredıtteý júıesin ınstıtýtsıonaldyq turǵydan kúsheıtý. 2011 jyldan bastap Qazaqstanda densaýlyq saqtaýdaǵy sapa boıynsha halyqaralyq talaptardy eskere otyryp, medıtsınalyq uıymdardy akkredıtteýdiń ulttyq standarttaryn jańartý úrdisi júrgizilýde. Densaýlyq saqtaý salasyndaǵy akkredıtteý boıynsha arnaıy oqytylǵan ınspektorlar - medıtsınalyq qyzmetterdiń qaýipsizdigi men sapany arttyrýǵa baǵyttalǵan respýblıkanyń densaýlyq saqtaý salasyndaǵy negizgi reformalardy qoldaý úshin akkredıtteýdiń jańartylǵan jáne jańa standarttarynyń provaıderleri retinde jumys isteıtin bolady.
Dúnıejúzilik bank pen QR Úkimeti arasyndaǵy «Qazaqstan Respýblıkasy densaýlyq saqtaý sektorynda tehnologııalardy berý jáne ınstıtýtsıonaldyq reformany júrgizý» ózara is-sharalaryn júzege asyrý sheńberinde ótkiziletin barlyq sharalardyń mańyzy zor. Olar Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasynyń akkredıtteý rásimin jáne Densaýlyq saqtaý mınıstrliginiń 2012 jylǵy is-sharalar josparyn jetildirý boıynsha mindetterdi iske asyrýǵa baǵyttalǵan.
Oqýdan ótken ınspektorlar transfýzıologııa jáne zerthanalyq qyzmetter, sondaı-aq jedel medıtsınalyq kómek standarttaryn jáne standarttarǵa sáıkestigin syrtqy baǵalaý ádistemelerdi qosa alǵanda, statsıonarlyq jáne ambýlatorlyq-emhanalyq kómek kórsetýshi medıtsınalyq uıymdardy akkredıtteýdiń jańartylǵan standarttaryn testileýge jáne olardy engizýge qatysady.
