Densaýlyq saqtaý mınıstri tek qazaqstandyq vaktsınany saldyratynyn aıtty
NUR-SULTAN. QazAqparat – Densaýlyq saqtaý mınıstri Alekseı Tsoı tek qazaqstandyq vaktsınany saldyratynyn aıtty, dep habarlaıdy QazAqparat tilshisi.
«Qazaqstanda vaktsınalaýǵa jiberilgen barlyq ekpeler tekserilgen ári qaýipsiz bolyp sanalady. Ózderińiz bilesizder, reseılik «Spýtnık V» keldi, Densaýlyq saqtaý mınıstrligi boıynsha jáne óńirlerdegi áriptesterimiz, sondaı-aq medıtsınalyq qyzmetkerler vaktsınany saldyryp jatyr. Bul vaktsına tıimdi jáne qaýipsiz sanalyp otyr. Sonymen qatar Qazaqstanda «QazCovid-In vaktsınasy daıyndalyp jatyr. Onyń tehnologııasy ózgesheleý. Bizde oǵan qatysty zertteýler aıryqsha baqylaýda tur. Qazirgi kezde klınıkalyq zertteýdiń sońǵy úshinshi fazasy júrip jatyr, 3 myń erikti ekpe saldyrdy», - dedi mınıstr Ortalyq kommýnıkatsııalar qyzmetinde.
Osy oraıda ol otandyq vaktsına boıynsha jaqsy nátıje bolyp otyrǵanyn jetkizdi.
«Densaýlyq saqtaý mınıstri retinde qazaqstandyq vaktsınany qoldaǵym keldi. Vaktsına shyqqan kezde, ıaǵnı bizde resmı túrde jiberilgende alǵashqylardyń qatarynda ony saldyramyn», - dedi Alekseı Tsoı.
