Densaýlyq saqtaý mınıstri «Salamatty Qazaqstannyń» búgingi jetistikterin atady

Búgin Astanada ótken jıynda QR Densaýlyq saqtaý mınıstri Salıdat Qaıyrbekova osylaı aıtty.

Mınıstr atap kórsetkendeı,joba aıasynda otandyq densaýlyq saqtaý salasyn reformalaýdyń naqty jetistikteri mynadaı:

• - densaýlyq saqtaý salasyn qarjylandyrýdyń progressıvtik ádisteri engizilýde;
• - densaýlyq saqtaý salasynyń 3 myńnan astam menedjeri oqytylyp, elimizdiń 35 emdeý mekemesiniń ókili Fınlıandııaǵa baryp, biliktilikterin kóterip qaıtty;
• - densaýlyq saqtaý menedjerleri úshin Ulybrıtanııanyń ulttyq kásibı standarttaryna negizdelgen jańa biliktilik talaptary ázirlendi;
• - aýrýhana sektoryn qaıta qurylymdaý jospary, densaýlyq saqtaý salasynda memlekettik-jekemenshik seriktestikti damytý tujyrymdamasy daıyndalyp jatyr;
• - densaýlyq saqtaý salasyndaǵy sapa jónindegi halyqaralyq qoǵamdastyq 2012 jyly aýrýhanalardy akkredıtteýdiń jańartylǵan qazaqstandyq standattaryna 2016 jylǵa deıin sertıfıkat tabystady;
• - dárigerlerdiń biliktilikterin táýelsiz baǵalaý úshin Respýblıkalyq bilim jáne daǵdylar ortalyǵy qurylyp, 6 medıtsınalyq joǵarǵy oqý orny ozyq tehnologııalyq oqytý sımýlıatsııalyq quralǵylarmen jabdyqtaldy;
• - azamattardy dárimen qamtamasyz etýdiń qoljetimdiligin jáne sapasyn arttyrý baǵytynda úlken jumystar atqaryldy;
• - taǵam qaýipsizdigi máseleleri boıynsha zańnama úılestirilip, baqylaý tıimdiligin arttyrý tetikteri ázirlendi;

 «Memleket basshysynyń Qazaqstan halqyna arnaǵan «Áleýmettik-ekonomıkalyq jańǵyrtý - Qazaqstan damýynyń basty baǵyty» Joldaýynda aıtylǵan mindetterdi iske asyrý sheńberinde, sondaı-aq densaýlyq saqtaý salasynda júrgizilip jatqan reformalardyń mańyzdylyǵyn eskere otyryp, Densaýlyq saqtaý mınıstrligi Qazaqstan Respýblıkasynyń densaýlyq saqtaý sektoryndaǵy tehnologııalardy berý jáne ınstıtýtsıonaldyq reforma júrgizý jónindegi jobasynyń» múmkindikterin barynsha paıdalanýdy josparlap otyr», - deıdi S.Qaıyrbekova.