Densaýlyq saqtaý mınıstri saladaǵy negizgi kemshilikterdi atady
Onyń sózine qaraǵanda, 2016 jyly medıtsınalyq qyzmetter salasynda sapany qadaǵalaý boıynsha mınıstrlik pen aýmaqtyq departamentterge ótinishter sany arta túsken. Jalpy, ótken jyly osyndaı ótinishter 25 paıyzǵa ósken.
«Ortasha alǵanda, mınıstrliktiń blogyna, saıtyna, keńsesine kúnine 80-ge jýyq ótinim kelip túsedi. Biz olardyń qurylymyna taldaý jasadyq. Búginde jıi kezdesetin shaǵymdar birinshi kezekte medıtsınalyq kómekti uıymdastyrý men medıtsınalyq qyzmetterdiń tómen sapasyna qatysty bolyp otyr. Ekinshi sebep dári-dármekpen qamtamasyz etý máselesin qamtýda, al úshinshisi biliktilik jáne medıtsınalyq qyzmetkerlermen kommýnıkatsııa problemalaryna baılanysty»,-dedi mınıstr.
Osy oraıda Birtanov búginde kemshilikterdi joıý baǵytynda jumystar júrip jatqanyn jetkizdi.
«Sondyqtan da negizgi sharalar jergilikti jerlerde problemany sheshýge baǵyttalǵan. Búginde barlyq medıtsınalyq uıymdarda ishki aýdıt qyzmetteri men Call Center qurylýda»,-dep naqtylady vedomstvo basshysy.