Densaýlyq saqtaý mınıstri Qyzylorda oblysyndaǵy medıtsına nysandaryn aralady
QYZYLORDA. QazAqparat-QR Densaýlyq saqtaý mınıstri Eljan Birtanov Úkimet basshysy bastaǵan delegatsııa quramynda Qyzylorda oblysyna jumys sapary aıasynda birqatar densaýlyq saqtaý nysandaryn aralady, dep habarlady QazAqparat.
Mınıstr saparyn 3-qalalyq emxanany aralaýdan bastady. Naýqastarǵa rentgenologııalyq dıagnostıka, ÝDZ, MRT qyzmetteri kórsetiletin medıtsınalyq mekemeniń jabdyqtalýymen tanysty. Atalǵan emxanada 6 terapevtik, 4 pedıatrlyq, 5 akýsher-gınekologııalyq bólimderi qyzmet kórsetedi. Bul medıtsınalyq mekeme «100 mektep, 100 aýrýxana» memlekettik baǵdarlamasy aıasynda qurylyp, 2012 jyldyń maýsym aıynda qoldanysqa berilgen. 2017 jyly emxana janynan ambýlatorlyq xırýrgııa ortalyǵy ashyldy.
Sondaı-aq, Eljan Birtanov medıtsına salasyndaǵy jańa zamanaýı texnologııany qoldanatyn emxana janyndaǵy NOVA MEDICAL CENTRE jumysymen tanysty.
