Densaýlyq saqtaý mınıstri koronavırýsqa qarsy qazaqstandyq vaktsına saldyrady

NUR-SULTAN. QazAqparat – Qazaqstannyń Densaýlyq saqtaý mınıstri Alekseı Tsoı koronavırýsqa qarsy qazaqstandyq vaktsına saldyrýdy josparlap otyr.

Bul týraly QR Densaýlyq saqtaý vıtse-mınıstri – Bas memlekettik sanıtarlyq dáriger Erlan Qııasov málim etti, dep habarlaıdy QazAqparat tilshisi.

«QR Densaýlyq saqtaý mınıstri Alekseı Tsoı qazaqstandyq vaktsına saldyrýdy maqsat etip otyr. ıAǵnı, ózimizdiń elimizdiń vaktsınasy daıyn bolyp, shyqqan kezde sony saldyrady», - dedi Erlan Qııasov Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.

Aıta keteıik, Memleket basshysy Qasym-Jomart Toqaevtyń tapsyrmasymen 1 aqpanda Qazaqstanda «Spýtnık V» vaktsınasyn erikte negizge egý naýqany bastalady.