Densaýlyq saqtaý mınıstri qazaqstandyqtarǵa úndeý jasady
«Elimizde shekteý sharalary alynyp tastalǵan kezde koronavırýs ınfektsııasy eshqaıda joǵalyp ketpegenin esten shyǵarmaý kerek. Biz oǵan úırenip, kúresip, ómir súrýimiz kerek. Ómir jalǵasady. Ár adam aýa raıyna beıimdeledi. Jańbyr jaýsa, biz qolshatyr alyp, ózimizdi sýdan qorǵaımyz. Kún sýysa jyly kıim kıemiz. Mundaıda tipti oılanbaımyz, bári qalypty jaǵdaı», - dedi mınıstr OKQ-da ótken baspasóz máslıhatynda.
Alekseı Tsoı qandaı shara bolmasyn bári qashyqtan ótýi kerektigin eskertti.
«Eger ınfektsııa bolsa, qandaı da bir epıdemıologııalyq kezeń bastalsa nemese aýa tamshymen ınfektsııa tarasa, maska kııý, jaqyndaryńyzdy qorǵaý, áleýmettik qashyqtyqty saqtaý, dostarymyzdy, áriptesterimizdi qorǵaý - qalypty jaǵdaıǵa aınalýy kerek. Eger qandaı da bir shara bolsa, adamdar bir-birinen alshaqtap, alystap otyrýy kerek. Qazir ınfektsııa qatty órship ketedi dep kútpesek te, bul bizdiń qalypty ómirimizge aınalýy tıis», - dedi Densaýlyq saqtaý mınıstri.
Mınıstr halyqqa úndeý jasap, densaýlyq saqtaý salasyna bárimiz kómektesýimiz kerektigin aıtyp ótti.
«Bul memleketke ǵana emes, ózimizge de, balalarymyzǵa, jaqyn adamdarymyzǵa da eń úlken kómek bolady. Bul jeke bas gıgıenasyn saqtaý, qashyqtyqty saqtaý, qoldy jýyp turý, salaýatty ómir saltyn saqtaý, ımmýnıtetti kóterip, sportpen aınalysý kerek. Eger ózimizdi osylaı ustasaq, meniń oıymsha, biz osy ınfektsııany jeńip, bul indetti jeńemiz», - dep tolyqtyrdy Alekseı Tsoı.
