Densaýlyq saqtaý mınıstri ınsýlınniń tapshylyǵyn baqylaýǵa aldy
«Bastysy ınsýlın satyp alyndy. Sonyń basym bóligi dárixanalarǵa taratyldy. Endi, keıbir jerlerde preparatty jetkizý jaǵy keshigip jatyr. Jalpy, barlyq oblystar ınsýlınniń qajetti kólemin satyp alýǵa mindetti bolǵan. Biz olarǵa aqshanyń bárin bergenbiz. Qazir ınsýlınniń tapshylyǵy bar jerlerdi qaraımyz. Árıne, tekseris úshin aryz kerek. Sol tekseristiń nátıjesi boıynsha tıisti sharalardy qolǵa alatyn bolamyz», - dedi E.Birtanov jýrnalısterge bergen suxbatynda.
Mınıstrdiń aıtýynsha, ınsýlınniń tapshylyǵy kezinde statsıonarlardan, bolmasa, aımaqtardan preparttyń qajetti kólemin aldyrtýǵa bolady. Qazirgi josparǵa sáıkes, ınsýlındi taratý jumysy 5 aqpanǵa deıin aıaqtalýy tıis. «Buryn biz preparattardy eki aıǵa - qańtar men aqpanǵa satyp alatynbyz. Qazir josparlaý jumysy durys júrgizilmegennen keıin tapshylyq týyndaıdy. Mysaly, keıbir preparattardy, kerisinshe, tym kóp satyp alady. Ony birneshe aıǵa, tipti bir jylǵa deıin jetkizýge bolady. Sondyqtan búginde biz osy saladaǵy jumysty retke keltirip jatyrmyz», - dep atap kórsetti E.Birtanov.