Densaýlyq saqtaý mınıstri gradýsnıkterdiń tapshylyǵyna qatysty aıtty

NUR-SULTAN. QazAqparat – Densaýlyq saqtaý mınıstri Alekseı Tsoı eldegi dárihanalarda gradýsnıkterdiń jetispeýshiligin joqqa shyǵardy, dep habarlaıdy QazAqparat tilshisi.

«Jalpy gradýsnıkter bizdiń naryqta jetedi. Bólshektik jelide de barshylyq. Aýqymdy defıtsıt pen dúrbeleń synapty gradýsnıkterge qatysty týyndap otyr. Qazir naryqta balamaly nusqalar jeterlik», - dedi Alekseı Tsoı OKQ-da ótken baspasóz máslıhatynda.

Mınıstr bul baǵytta jumys júrgizilip jatqanyn aıtyp ótti.

«Qandaı da bir talaptardy qoıyp otyrǵan uıymdarmen jumys júrgizip, olardyń máselesimen aınalysyp jatyrmyz», - dedi vedomstvo basshysy.

Eske sala ketsek Alekseı Tsoı buǵan deıin Qazaqstanǵa paratsetamoldyń 700 myń qaptamasy jetkizilgenin, taǵy 800 myńy kútilip otyrǵanyn habarlaǵan edi.

5 shildeden bastap elimizde 14 kúnge qatań shekteý sharalary engiziledi.