Densaýlyq saqtaý mınıstri eldegi onkologııalyq aýrýlardyń taraý jaǵdaıyna alańdaýshylyq bildirdi
TANA. 14 qazan. QazAqparat /Aıdar Ospanalıev/ - «Aýdandyq onkologtar onkologııalyq aýrýlarǵa kómek kórsetýdi jetildiretin basty mamandar bolyp tabylady. Olar emhanalardaǵy onkologııa máselelerimen aınalysatyn jáne osy indetpen kúres jóninde aqyl-keńes beretin qyzmetkerler. Onkologtar turǵyndardyń saýyqtyrý sharalaryn uıymdastyratyn basty tulǵa»,-deıdi Densaýlyq saqtaý mınıstri Salıdat Qaıyrbekova. Bul týraly ol búgin elordada ótip jatqan aýdan onkologtarynyń semınar-keńesinde aıtty.
Mınıstrdiń sózine qaraǵanda, onkologııalyq aýrýlardyń tolyqqandy tirkelýi men olardy baqylaý sharalarynyń talapqa saı júrgizilýi
osy aýdandyq onkologtardyń qyzmetine baılanysty. «Jalpy alǵanda ýchaskelik dáriger-terapevtter, otbasylyq tájirıbedegi dárigerler ózderiniń patsıentterin tekserýden ótýge kóndirýleri kerek. Bul óz kezeginde onkologııalyq aýrýlardy erte bastan anyqtaýǵa múmkindik beredi. Onkologııalyq qyzmetke jasalǵan taldaý jumystary saýyqtyrý sharalarynyń talapqa saı júrgizilmeı otyrǵandyǵyn kórsetti. Sondyqtan bizge eldegi barlyq ambýlatorlyq-emhanalyq jelilerdiń barlyǵy óz qyzmetterin saýyqtyrý sharasyna negizdeýleri kerek. Sondaı-aq skrınıngtik baǵdarlamalardyń keńinen qoldanylýyna múmkindik týdyryp, onkologııalyq aýrýlardyń ýaqytynda anyqtaýǵa kúsh salý kerek»,-dedi S.Qaıyrbekova.
Ol keltirgen málimetter boıynsha, bıylǵy jyldyń 9 aıynda onkologııalyq aýrýlardyń kórsetkishi 100 adamǵa shaqqanda 179,2-ni quraǵan. Al ótken jyly bul kórsetkish 178,3 bolǵan. «ıAǵnı, azamattardyń onkologııalyq indetterimen aýyrý jaǵdaılary artyp keledi»,-dedi mınıstr.
