Densaýlyq saqtaý mınıstri dárigerlerdiń jalaqysyn atady

ASTANA. QazAqparat - Qazaqstanda dárigerler ortasha eseppen 142 myń teńge jalaqy alady. Bul týraly búgin QR Densaýlyq saqtaý mınıstrliginiń keńeıtilgen alqa májilisinde vedomstvo basshysy Eljan Birtanov aıtty, dep habarlaıdy QazAqparat tilshisi.

«Jalaqyǵa qatysty aıtar bolsam, aılyqtyń ósý qarqynyn baıqap otyrmyz. Ótken jyldyń sońynda tyńǵylyqty saraptama júrgizip, barlyq derlik memlekettik uıymdardan kim qansha aqshany naqty qolyna alatyndyǵy týraly málimetter jınadyq. 2018 jyly dárigerlerdiń naqty qolyna tıetin ortasha jalaqysy 142 myń teńgeni qurady. Jyl saıyn dárigerlerdiń de, medbıkelerdiń de jalaqysynda azdaǵan ósim bar», - dedi mınıstr.

Onyń aıtýynsha, dárigerlerdiń ishinde alǵashqy shuǵyl medıtsınalyq kómek kórsetetin mamandardyń jalaqysy joǵary.

«Biz buǵan qol jetkizýge tyrysqan edik, aldaǵy ýaqytta da tyrysa beremiz. Alǵashqy shuǵyl medıtsınalyq kómek qyzmetkerleriniń jalaqysy eń joǵary bolýy tıis dep esepteımiz jáne densaýlyq saqtaý júıesindegi olardyń róli barynsha belsendi bolýy qajet», - dedi E.Birtanov.