Densaýlyq saqtaý mınıstri Aınur Ahmetovanyń jaǵdaıyn bilip, anasymen kezdesti
ASTANA. 23 tamyz. QazAqparat - QR Densaýlyq saqtaý mınıstri Salıdat Qaıyrbekova Respýblıkalyq neırohırýrgııa ǵylymı ortalyǵynda jatqan Aınur Ahmetovanyń jaǵdaıyn bilip, onyń anasymen kezdesti, dep habarlady vedomstvonyń baspasóz qyzmeti.
Eske sala keteıik, AQSh klınıkasynda es-tússiz jatqan pavlodarlyq stýdent Aınur Ahmetovany jasandy tynys apparatynan ajyratpaı, Qazaqstanǵa jetkizý týraly sheshim qabyldanǵany týraly burynyraq habarlanǵan bolatyn, Qazaqstan Respýblıkasynyń Densaýlyq saqtaý mınıstrligi tarapynan barlyq uıymdastyrý máseleleri sheshilip, sonyń ishinde bıznes-qurylymdar arqyly áýe transportymen naýqasty Otanyna jetkizý úshin qarajat tartylyp, aǵymdaǵy jylǵy 21 tamyzda tańǵy saǵat 05-te Aınur Astana qalasynyń áýejaıyna jetkizilip, Respýblıkalyq neırohırýrgııa ǵylymı ortalyǵynyń jan saqtaý bólimine jatqyzyldy. Neırohırýrgııa ortalyǵynda qoldaý terapııasy júrgizilýde.
Naýqastyń jaǵdaıy óte aýyr, mıy anoksııalyq zaqymdanǵan, 3-shi dárejedegi essiz kúıde, eki ókpesi qabynǵan, ekssýdatty plevrıt. Demalýy tek jasandy tynys apparatynyń kómegimen júzege asyrylýda. Naýqas syrtqy qozdyrǵyshtardy sezbeıdi, refleksteri joq.
