Densaýlyq saqtaý mınıstri astananyń jas neırohırýrgtarymen kezdesti
On eki jyl ishinde neırohırýrgııa dárigerleri 32 myńnan astam operatsııa jasap, 70-ke jýyq jańa neırohırýrgııalyq tehnologııa engizdi. Sonyń arqasynda jaǵdaıy óte aýyr naýqastardy, onyń ishinde balalardy aıaqqa turǵyzdy.
Densaýlyq saqtaý mınıstri ortalyqtaǵy dıagnostıkalyq jáne klınıkalyq bólimshelerdiń jumysymen tanysyp, jas mamandarmen beıresmı kezdesý ótkizdi.
Budan basqa, vedomstvo basshysy sımýlıatorlarda oqytý kýrstaryn ótkizý úshin qurylǵan trenıngilik ortalyqty aralap shyqty jáne mı glıomalaryn zertteıtin ǵylymı joba aıasynda qurylǵan ortalyq janyndaǵy bıobanktiń jumysyn kórdi.
Alekseı Tsoı transfýzıologııa bóliminde de boldy. Osy bólimsheniń mamandary ózderiniń negizgi jumysynan basqa, qan únemdeý tehnologııalary: aýtoerıtrotsıtterdiń ıntraoperatsııalyq apparattyq reınfýzııasy, gemostazdy ıntegraldy baǵalaý – tromboelastografııa sııaqty biregeı eksperımentter júrgizýde.
Gospıtaldyq farmatsııa bólimshesinde mamandar emdeýdiń tıimdiligin arttyratyn jáne dárilik zattardy utymdy paıdalanýǵa múmkindik bergen jańa tehnologııanyń nátıjesi týraly baıandady.
Sondaı-aq, Densaýlyq saqtaý mınıstri radıologııa bólimine de baryp, onda angıografııalyq operatsııalyq bólmeniń jumysymen jáne gamma-pyshaq jumys isteıtin jeke blok qurylysynyń barysymen tanysty.
Sapar sońynda QR Densaýlyq saqtaý mınıstri A.Tsoı ortalyqtyń jumysyn joǵary baǵalap, ujymnyń eńbegine tabys tiledi.