Densaýlyq saqtaý mınıstri Asfendııarov atyndaǵy QazUMÝ ujymyna jańa rektordy tanystyrdy
Jańa basshyny ýnıversıtet ujymyna QR Densaýlyq saqtaý mınıstri Eljan Birtanov tanystyrdy.
Oqý ornynyń basshylyǵyna Talǵat Nurǵojın keldi.
«Qurmetti áriptester, búgin sizderdiń aldaryńyzda mańyzdy máselege atsalysyp otyrmyz. Búgin mınıstrlikke QR Prezıdenti Nazarbaevtyń ókimi keldi. Talǵat Nurǵojın S.Asfendııarov atyndaǵy ýnıversıtet rektory bolyp taǵaıyndalsyn degen. Óz atymnan jáne mınıstrlik atynan Talǵat Seıtjanulyn quttyqtaımyn. Jańa qyzmetińizge tabys tileımin», - dedi mınıstr.
Talǵat Nurǵojın buǵan deıin eksperımentaldy klınıkalyq farmakologııa jáne farmatsııa ǴZI, Nazarbaev Ýnıversıteti janyndaǵy"National Laboratory Astana" mekemesiniń Ómir týraly ǵylymdar ortalyǵyn basqarǵan.
Medıtsına ǵylymdarynyń doktory 1992 jyly Tomsk memlekettik medıtsınalyq ýnıversıtetin bitirgen.
2006-2009 jyldary Almaty memlekettik dárigerlerdiń biliktiligin arttyrý ınstıtýtynyń emdeý isi boıynsha prorektory, 2009-2011 jyldary Ulttyq medıtsına holdınginde basqarýshy dırektor qyzmetin atqarǵan.
Aıta ketý kerek, S.Asfendııarov atyndaǵy Qazaq Ulttyq memlekettik ýnıversıtetin 2008-2016 jyldary Aıqan Aqanov basqaryp kelgen bolatyn.
Ol kisi qaıtys bolǵannan keıin atalǵan oqý ornynda rektor taǵaıyndalǵan joq.
Oǵan deıin oqý ornyn Talǵat Múminov (1995-2008), Evgenıı Belozerov (1987-1995), Qýanysh Maskeev (1975-1986), Roman Samarın (1969-1987), Ivan Korıakın (1955-1960), Semen Sıdorov (1954-1955), Sıbuǵatýlla Qarynbaev (1963-1975), Vasılıı Zıýzın (1944-1964), Vıktor Zıkeev (1934-1943), Harıra Mýhambetova (1933-1934), Isenǵalı Qasabolatov (1931-1933) basqardy. Eń alǵash ret qurylǵan kezde ýnıversıtet rektory Sanjar Asfendııarov (1930-1931) bolǵan edi.
