Densaýlyq saqtaý mınıstri Almatyda «S» gepatıtiniń vırýsy anyqtalǵan leıkemııamen syrqat balalardyń analarymen kezdesti

dep habarlady Mınıstrliktiń baspasóz qyzmeti.

Mınıstr ata-analarǵa leıkozben syrqat balalardyń «S» vırýsty gepatıtin juqtyrý faktilerin tekserý boıynsha QR Densaýlyq saqtaý mınıstrligi komıssııasynyń jumys qorytyndylary týraly aıtty. Sondaı-aq ol «S» vırýsty gepatıtin juqtyrýdyń aldyn alý, sondaı-aq «V» jáne «S» gepatıtterin juqtyrǵan leıkemııamen aýyratyn balalar men adamdardy emdeý boıynsha qabyldanyp jatqan júıelik sharalar týraly habardar etti. Atap aıtqanda: gemoblastozben aýyratyn patsıentter úshin súıek kemigin transplanttaýdy engizý; gemoblastozben aýyratyn eresek patsıentterdi emdeý úshin Qazaq onkologııa jáne radıologııa ǴZI bazasynda klınıkalyq bólimshe ashý; gemoblastozben aýyratyn jáne «S» vırýsty gepatıtimen aýyratyn syrqattarǵa arnalǵan dárilik zattardy bir ortalyq arqyly satyp alýdy júzege asyrý; patsıentterdi quıylatyn qan jáne qandy almastyratyn zattar arqyly vırýsty juqtyrýdy boldyrmaý úshin qan óndirý jónindegi respýblıkanyń barlyq ortalyqtaryn qandy zalalsyzdandyratyn apparatýramen, sondaı-aq PTsR dıagnostıkasyna arnalǵan apparatýramen jaraqtandyr; Azamattardyń medıtsınalyq is-áreketter arqyly vırýs juqtyrýdy boldyrmaý úshin tańý, emshara, operatsııa jasaý bólmeleriniń, sonymen qatar qan alý oryndaryndaǵy jumys rejımine qoıylatyn talaptardy kúsheıtý máseleleri sheshildi.

Bul maqsattarǵa respýblıkalyq bıýdjetten 5 mlrdqa jýyq qarajat bólinedi.