Densaýlyq saqtaý mınıstri Alekseı Tsoı aýyldarda vaktsınatsııa barysyn tekserdi
Birinshi nysan Talǵar aýdany Taldybulaq aýylynyń dárigerlik ambýlatorııasy boldy, ol tirkelgen 8,5 myńnan astam halyqqa qyzmet kórsetedi. Olardyń jartysynan kóbi vaktsınatsııalanýy tıis.
Mınıstr adamdardyń kóp jınalýyna jáne densaýlyqqa qaýip tóndirýge jol bermeı, vaktsınatsııanyń josparly protsesin qamtamasyz etý qajet ekendigin atap ótti.
Dárigerlik ambýlatorııanyń meńgerýshisi Baıan Esenbaevanyń aıtýynsha, osy maqsatta dárigerlik ambýlatorııa bazasynda qurylǵan mobıldi brıgada aýyl turǵyndaryna aldymen qońyraý shalady: vaktsınatsııa júrgiziletini týraly habarlaıdy, tilek bildirýshini tirkeıdi, aýyl turǵyndarynyń suraqtaryna jaýap beredi.
Búgingi tańda aýylda egý naýqany qyzý júrip jatyr. Ambýlatorııanyń jeke kabınetinde patsıentterdi jalpy praktıka dárigeri aldyn ala qaraıdy, olardyń dene qyzýy men qysymy ólshenedi, sozylmaly aýrýynyń bar-joǵy suralady, vaktsınatsııadan keıin saqtyq sharalaryn saqtaý qajettiligi túsindiriledi.
Arnaıy jabdyqtalǵan egý kabınetinde vaktsınany saqtaý jáne engizý úshin jaǵdaı jasalǵan: muzdatqysh jabdyq, vaktsınaǵa arnalǵan boks bar, barlyq temperatýralyq jaǵdaı saqtalady.
Aýyldyq dárigerlik ambýlatorııada 135 adam vaktsınatsııalandy, onyń ishinde medıtsına qyzmetkerleri. Aýyldyq ambýlatorııaǵa kelgen vaktsınanyń taǵy 300 dozasyn aldaǵy eki kúnde patsıentterge egý josparlanyp otyr. Aýyldyq ambýlatorııaǵa barǵan kezde mınıstr dárigerlermen jáne patsıenttermen áńgimelesti, vaktsınany alǵan jáne dárigerdiń baqylaýynda turǵan adamdardyń densaýlyq jaǵdaıy týraly surady.
«Búginde halyq vaktsınalarǵa kóbirek senim artty. Aldymen, tipti medıtsına qyzmetkerleri de saqtyqpen qarady. Bul túsinikti: vaktsına jańa. Biraq biraz ýaqyttan keıin biz vaktsınany alǵan adamdar ózderin jaqsy sezinetinin kóremiz, eshqandaı aıqyn reaktsııa tirkelgen joq, eger olar bolsa, kez-kelgen vaktsınada kórinýi múmkin temperatýranyń ýaqytsha kóterilýi, álsizdik sııaqty», - dep atap ótti Alekseı Tsoı.
«Qazir biz vaktsınatsııanyń qarqyndy damyp kele jatqanyn kórip otyrmyz. Keshe ǵana elimizde 70 myńǵa jýyq adam egildi, al búginde jalpy alǵanda jarty mıllıonnan astam azamat vaktsınatsııamen qamtyldy. Qarqyny artyp keledi, Qazaqstannyń árbir óńirine vaktsına kelip túsetin kesteler bar. Bul vaktsınalar Eýropa, Azııa elderinde de qoldanylady jáne biz joǵary tıimdilikti kóremiz. Sondyqtan biz úshin azamattardyń olarǵa qol jetkizýi óte mańyzdy, ásirese halyq úshin bul tegin», - dedi mınıstr óńirge sapary barysynda.
Densaýlyq saqtaý mınıstri sondaı-aq, vaktsınalaý qarqyny artatynyn, al óńirlerge vaktsınany jetkizý kún saıyn arta túsetinin atap ótti.
Alekseı Tsoı sondaı-aq Taldybulaq aýylyndaǵy dárigerlik ambýlatorııaǵa barý aýyl azamattary úshin medıtsınalyq kómektiń qoljetimdiligin, vaktsınatsııa kabınetteriniń, qajetti temperatýrany ustap turatyn tasymaldanatyn muzdatqysh kameralardyń bar ekenin atap ótti. Ol medıtsınalyq kómek kórsetýdiń mundaı deńgeıi iriktelip emes, oblystyń barlyq aýyldyq eldi mekenderinde qamtamasyz etilýi tıis ekenin atap ótti.
Onyń aıtýynsha, Densaýlyq saqtaý mınıstrligi tarapynan barlyq ádisnamalyq kómek kórsetiledi, medıtsınalyq qyzmetkerlerdi oqytý turaqty negizde júrgiziledi, barlyq nusqaýlyqtar medıtsınalyq uıymdardyń basshylaryna jetkiziledi.
Biraq, qazir ol barlyq ımmýndaý algorıtmderin saqtaı otyryp, halyqqa vaktsınatsııaǵa barynsha qol jetkizýdi qamtamasyz etý úshin barlyq jumystardy jumyldyrý mańyzdy ekenin atap ótti.
