Densaýlyq saqtaý mınıstri 2014 jylǵa arnalǵan basqy maqsattardy aıtyp berdi
ASTANA. QazAqparat - QR Densaýlyq saqtaý mınıstrliginiń 2014 jylǵa arnalǵan basty maqsaty: ana men bala ólimin, qan aınalym júıesi aýrýlarynan bolatyn ólim-jitimdi azaıtý sharalaryn jalǵastyrý, onkologııalyq aýrý, jaraqattanýshylyq, týberkýlezdi azaıtý, jalpy densaýlyq saqtaý júıesine ınnovatsııalyq jobalar men medıtsınalyq kómektiń ozyq tehnologııalary transfertin engizý, jedel járdem, shuǵyl medıtsınalyq kómek berýdi jetildirý, sanıtarlyq avıatsııa qyzmetin jańashalandyrý.
Bul mindetterdi búgin OKQ-de ótken brıfıngte vedomstvo basshysy Salıdat Qaıyrbekova málimdedi. Onyń aıtýynsha, analar ólimi kórsetkishi 6,7 paıyzǵa, náresteler ólimi 17 paıyzǵa tómendedi. Sońǵy 5 jylda ana ólimi 3 esege, náresteler ólimi 1,5 esege azaıdy.
«Respýblıkada halyqtyń tabıǵı ósimi 4,6 paıyz ósti. Boljaldy ómir súrý uzaqtyǵy - 70,3 jyldy qurap, bir jylda 0,69 jasqa artty. Erlerdiń ortasha jasy - 65,6, áıelderdiki - 74,8 jas boldy. Áıelder men erlerdiń ómir súrý uzaqtyǵyndaǵy aıyrmashylyq 2007 jyly 11,63 jyldy qurasa, 2013 jyly 9,2 jyl boldy», - dep atap ótti mınıstr.
Sondaı-aq, onyń keltirgen málimeti boıynsha, týberkýlezben syrqattanýshylyq 10 paıyzǵa, al osy aýrý kesirinen ólim-jitim 24 paıyzǵa azaıdy.
