Densaýlyq saqtaý mıınstrligi Qaraǵandyda dáriger kinásinen múgedek bolǵan balaǵa qatysty oqıǵany tergeýde
STANA. Qyrkúıektiń 16-sy. QazAqparat /Marlan Jıembaı/ - Elimizdiń Densaýlyq saqtaý mınıstrligi Qaraǵandy qalasynda dárigerdiń kinásinen múgedek bolyp qalǵan balaǵa qatysty oqıǵany tergeý ústinde.
Bul týraly búgin elordada bastalǵan Túrki álemi pedıatrlarynyń 10-shy halyqaralyq kongresi aıasynda BAQ ókilderine suhbat bergen QR Densaýlyq saqtaý mınıstri Jaqsylyq Dosqalıev málim etti.
«Men bul jeke oqıǵa ekenin aıtqym keledi. Qazirgi ýaqytta Densaýlyq saqtaý mınıstrligi sáıkes tergeý amaldaryn júrgizýde. Qazirgi ýaqytta qandaı da bir býynnyń sebebinen dep aıtý qıyn. Biz tolyq zertteý júrgizemiz, sodan keıin ǵana ol týraly málim etemiz», dedi mınıstr óz sózinde.
Aıta keteıik, buǵan deıin buqaralyq aqparat quraldary Qaraǵandy qalasynyń Maqajanov atyndaǵy klınıkasynyń ortoped dárigerleri 2 jyl boıy 6 jasar Dıasty durys emdemegenin jazǵan bolatyn. Balanyń sol aıaǵy ósýin toqtatyp, omyrtqasy qısaıǵan. Dárigerler oǵan ekijaqty pertes aýrýy degen dıagnoz qoıǵan, al osy aralyqta súıek týberkýlezinen balanyń býyndary buzylǵan.
Osy jaıt anyqtalǵannan keıin balanyń anasy Maral Mataeva sotqa shaǵymdanyp, moraldyq nuqsan keltirgenderi úshin 10 mıllıon teńge talap etken bolatyn. Sonymen qatar ol bólimshe meńgerýshisi men balany emdegen 3 dárigerdiń árqaısysynan mıllıon teńgeden talap etken edi. Shaǵymdanýshynyń talabyn jartylaı qanaǵattandyrǵan sot bólimshe meńgerýshisinen - 200 myń, al dárigerlerden 100 myń teńgeden ótemaqy óndirip alý týraly sheshim shyǵarǵan.
