Densaýlyq saqtaý mekemelerindegi jańa qural-jabdyqtardy tıimdi paılalanýdy arttyrý kerek - Ahmetjan Esimov
ALMATY. 20 sáýir. QazAqparat - Densaýlyq saqtaý mekemeleriniń materıaldyq bazasyn jaqsartýda sońǵy jyldary kóp nárse jasaldy.
Bul týraly Almaty qalasynyń ákimi Ahmetjan Esimov búgin alǵashqy toqsandaǵy qalanyń áleýmettik-ekonomıkalyq damýyna arnalǵan alqaly jıynda aıtty.
«Jedel jáne shuǵyl medıtsınalyq járdem aýrýhanasy tolyq qýatymen jumys jasaı bastady. №2 qalalyq balalar klınıkalyq aýrýhanasynyń jańa ǵımaraty jáne áıelderdiń bosanǵanǵa deıingi ortalyǵy men kópsalaly aýrýhana iske qosyldy. Qazirgi zamanǵy qural-jabdyqtar satyp alyndy. Endi jańa densaýlyq saqtaý mekemeleriniń sapaly jumys jasaýyna kúsh salyp, ondaǵy ozyq qural-jabdyqtardyń tıimdi paıdalanylýyna barlyq kúsh-jigerdi jumsaý kerek», - dedi A. Smaǵululy. Shahar basshysynyń aıtýynsha, aǵymdaǵy jyly densaýlyq saqtaý salasyna 40 mıılıard teńge bólinip otyr. Onyń 2,1 mıllıardy qural-jabdyqtar alýǵa jumsalmaq. Aqpandaǵy halyqqa esep berý jıynynda berilgen medıtsınalyq qyzmet sapasyn kóterý jónindegi tapsyrmasynyń áli oryndalmaǵanyn aıtqan A.Esimov óz orynbasary Serik Seıdýmanov pen densaýlyq saqtaý basqarmasynyń bastyǵy Roza Qýanyshbekovaǵa mamandar daıyndaý jáne dárigerlerdiń biliktiligin kóterýdiń baǵdarlamasyn jasaýdy mindettedi.
