Densaýlyq saqtaý, Bilim berý jáne tilderdi damytý týraly baǵdarlamalar jan-jaqty zerdelenip, ázirlenýi tıis - Úkimet otyrysy
ASTANA. Sáýirdiń 13-i. QazAqparat /Rýslan Ǵabbasov/ - Densaýlyq saqtaý, Bilim berý jáne tilderdi damytý týraly baǵdarlamalar jan-jaqty zerdelenip, ázirlenýi tıis. Bul týraly búgin Úkimet otyrysynda Premer-Mınıstr Kárim Másimov málim etti,
dep habarlaıdy QazAqparat.
«Qazir aldymyzda mańyzdy 2-3 baǵdarlama tur. Olar belsendi túrde ekonomıkalyq saıasat jónindegi keńeste talqylanýda. Endi ony saraptamalyq toptarda, qoǵamda qarastyrýdyń fazasy jaqyndap keledi. Bul - Bilim berý, Densaýlyq saqtaý jáne Tilderdi damytý baǵdarlamalary», dedi Úkimet basshysy.
Premer-Mınıstr alǵa qoıylǵan maqsattar aıasynda barlyq 3 baǵdarlama da naqty ári mańyzdy túrde, sondaı-aq 2030 jylǵa deıingi Damý strategııasymen, 2020 Damý baǵdarlamasymen, Indýstrııalyq baǵdarlamasymen ózara baılanysýy tıis ekenin jetkizdi.
Sonymen birge K. Másimov Bilim berý baǵdarlamasy elimizdiń barlyq joǵarǵy oqý oryndary men tehnıkalyq bilim berý mektepterimen ózara septesýi tıis ekenin aıtyp ótti.
Sondaı-aq Densaýlyq saqtaý baǵdarlamasynda joǵarǵy jáne tıisti talaptar qamtylýy kerek ekenin qadap aıtty.
