«Densaýlyq» poıyzynyń dárigerlerine bir aptada 11 myńnan astam adam qaraldy
ASTANA. QazAqparat - 2016 jylǵy 1-8 tamyz aralyǵyndaǵy 7 jumys kúni ishinde «Densaýlyq» konsýltatsııalyq-dıagnostıkalyq poıyzynda Ońtústik Qazaqstan oblysynyń 3 stantsııasy men Jambyl oblysynyń turǵyndary qaraldy, 782 turǵyn, onyń ishinde 156 bala tekserýden ótti. Dárigerge 11592 adam qaraldy. 9570 dıagnostıkalyq emshara júrgizildi, 84 shaǵyn ambýlatorııalyq ota jasaldy. 296 áıel mammologqa qaraldy. 163 turǵynǵa stomatologııalyq kómek kórsetildi.
QR ІІM TJ komıtetiniń baspasóz qyzmetiniń habarlaýynsha, kólik medıtsınasyn damytý aıasynda 2010 jyldan beri «Salamatty Qazaqstan», «Densaýlyq» jáne «Járdem» atty úsh konsýltatsııalyq-dıagnostıkalyq poıyzdary jumysyn júrgizýde.
Medıtsınalyq poıyzdar barlyq qajetti medıtsınalyq dıagnostıkalyq apparatýramen jabdyqtalǵan, QR ІІM TJ komıteti «Apattar medıtsınasy temirjol gospıtaldary» AQ joǵary bilikti medıtsınalyq personalymen qamtyldy. «Medıtsınalyq poıyzdardy qurý» birlesken jobasyn iske asyrý elimizdiń shalǵaı óńirleriniń turǵyndaryna qol jetimdi medıtsınalyq qyzmet kórsetýdi qamtamasyz etti.
«Járdem» medıtsınalyq poıyzy aǵymdaǵy jyly jumysyn 1 tamyzda, al «Salamatty Qazaqstan» poıyzy - 10 shildede aıaqtady.
Qazirgi ýaqytta «Densaýlyq» konsýltatsııalyq-dıagnostıkalyq poıyzy jumysyn Jambyl oblysynda jalǵastyrýda.
13 tamyzǵa deıin qosa alǵanda «Densaýlyq» poıyzy Jambyl oblysynyń myna:
Súrim stantsııasy - 9 tamyz;
Kúrkireý sý stantsııasy - 10 tamyz;
Aqtaýtas stantsııasy - 11 tamyz;
Tamdy stantsııasy - 12-13 tamyz aralyǵynda halyqqa qyzmet kórsetedi.
Syrqat adamdardy tańerteńgi saǵat 09.00-den keshki saǵat 18.00-ge deıingi aralyqta qabyldaıdy, biraq kóp jaǵdaıda poıyzdardyń medıtsınalyq brıgadasy «sońǵy qaralatyn patsıentke deıin» qaǵıdaty boıynsha jumys jasaıdy.
2016 jylǵy 127 jumys kúni ishinde «Salamatty Qazaqstan», «Járdem» jáne «Densaýlyq» konsýltatsııalyq-dıagnostıkalyq poıyzdarynda respýblıkadaǵy Qaraǵandy, Aqmola, Soltústik Qazaqstan, Qostanaı, Pavlodar, Batys Qazaqstan, Atyraý, Mańǵystaý, Shyǵys Qazaqstan, Almaty, Qyzylorda, Ońtústik Qazaqstan jáne Jambyl oblystary 148 stantsııasynyń turǵyndary qaraldy, 34418 turǵyn, onyń ishinde 5204 bala tekserýden ótti. Dárigerge kelisýshiler sany 265022-ni qurady. 177388 dıagnostıkalyq emshara júrgizildi, 1000 shaǵyn ambýlatorııalyq ota jasaldy. 5231 áıel mammologqa qaraldy. 9960 turǵynǵa stomatologııalyq kómek kórsetildi.
