«Densaýlyq» poıyzy túrkistandyqtardy medıtsınalyq tekserýden ótkizedi
TÚRKІSTAN. QazAqparat – Túrkistan oblysyna «Densaýlyq» medıtsınalyq poıyzy keldi. Sońǵy úlgidegi qondyrǵylarmen jabdyqtalǵan otarbadaǵy mamandar 29 qarashaǵa deıin aýyl turǵyndaryn tekserýden ótkizip, dárigerlik keńes beredi, dep habarlaıdy QazAqparat tilshisi.
6 qarashada Otyrar aýdanynyń Temir stantsııasyna kelip toqtaǵan «Densaýlyq» poıyzy 8-9 qarashada - Otyrar aýdany, Qaraqońyr stantsııasyna, 10 qarashada - Taldyqudyq stantsııasyna, 11 qarashada - Arys qalasy, Shaǵyr stantsııasyna, 12-13 qarashada - Montaıtas stantsııasyna, 14 qarashada - Shanaq stantsııasyna, 15-16 qarashada - Sheńgeldi stantsııasyna, 17 qarashada - Saryaǵash aýdany, Jylǵa stantsııasyna, 18-19 qarashada - Darbaza stantsııasyna, 20 qarashada - Ordabasy aýdany, Qalash stantsııasynda, 21-22 qarashada - Badam stantsııasynda, 23 qarashada - Igilik stantsııasynda, 24-25 qarashada - Saıram aýdany, Qyzylsaı stantsııasynda, 26 qarashada - Yntymaq stantsııasynda, 27-28 qarashada - Túlkibas aýdany, Sastóbe stantsııasynda, 29 qarashada - Kókterek, Túlkibas stantsııalarynda aıaldap, medıtsınalyq qyzmetterdi kórsetedi.
Aıta keteıik, Qazaqstannyń shalǵaı jatqan temirjol stansalaryna aıaldaıtyn poıyzdyń sapary bıylǵy 21 jeltoqsanda aıaqtalady. 240 kún ishinde temirjol boıynda ornalasqan aýyldardyń turǵyndaryna shamamen 230 mln teńgeniń qyzmeti kórsetilmek.
«Áleýmettik medıtsınalyq saqtandyrý qory» baspasóz qyzmetiniń málimetinshe, barlyǵy 40 myńǵa jýyq adamǵa medıtsınalyq kómek kórsetý josparlanyp otyr. Sońǵy úlgidegi qondyrǵylarmen jabdyqtalǵan poıyzdarda terapevt, pedıatr, nevropatolog, okýlıst, LOR, gınekolog, hırýrg, ýrolog, mammolog, onkolog sııaqty mamandar bar.
Sondaı-aq, túrli zertteýler men dıagnostıka túrleri, kishigirim hırýrgııalyq operatsııalar men stomatologııalyq qyzmetter kórsetiledi.
