Densaýlyq poıyzy ekinshi saýyqtyrý saparynan oraldy
ASTANA. 2 qarasha. QazAqparat - Arnaıy medıtsınalyq «Densaýlyq» poıyzy qyrkúıektiń 14-inen bastap Soltústik Qazaqstan, Aqmola, Qostanaı oblystarynyń 23 eldi mekeninde 9873 emdelýshini qarap, elý kúnge jýyq ótken saparyn támámdady,
dep habarlaıdy «QTJ» UK» AQ baspasóz qyzmeti.
Saýyqtyrý sharasyna qatysýshylardyń paıymdaýynsha, emdelýshilerdiń negizgi bóligi kóz dárigeri, kardıolog, terapevt mamandarǵa qaralady eken.
Ekinshi baǵdarda shalǵaı stansylardyń turǵyndary 28 adamnan turatyn poıyzdaǵy maman dárigerlerdiń 28025 ret qabyldaýynda bolǵan. ıAǵnı, árbir emdelýshi shamamen úsh dárigerge qaralǵan. Maman dárigerler on myńnan astam medıtsınalyq jáne zerthanalyq zertteý jumystaryn jasady. 157 ret shaǵyn ota jasalsa, 2126 adam tisterin emdetti. Temirjolshylar men olardyń otbasy músheleri ishki aǵzalary men qaterli isik aýrýlarynan da aldyn ala qaraldy.
Bıylǵy jylǵy 2 shilde men 29 qazan aralyǵyndaǵy eki baǵdarda maman dárigerlerdiń kómegine 23980 adam júgindi. Al, dárigerlerge qaralǵan jandardyń sany 73 myńǵa jaqyndady. «Densaýlyq» emdeý- saýyqtyrý poıyzy alǵashqy baǵdarda 34 stansaǵa, ekinshi baǵdarda 23 stansaǵa aıaldady. Barlyǵy 7533,5 shaqyrym jol júrip ótti.
Arnaıy mamandandyrylǵan «Densaýlyq» poezy «QTJ» UK» AQ men QR Tótenshe jaǵdaılar mınıstrligi jáne QR Densaýlyq saqtaý mınıstrligimen birlesip jasaqtaldy. Memlekettik mańyzy zor shara barysynda 3-5 synypty shalǵaı stansydaǵy temirjolshylar ǵana emes, basqa da turǵyndar sapaly medıtsınalyq qyzmet túrlerimen qamtyldy.
Qazaqstandyqtardyń arasynda medıtsınalyq qyzmetke muqtaj jandardyń kóptigin eskere kelip, «QTJ» UK» AQ basshylyǵy 2011 jyly da osy dástúrdi jalǵastyryp, «Densaýlyq» poezyn ońtústik jáne batys óńirge saparǵa shyǵarýdy oılastyryp otyr.
