Densaýlyq poıyzdary 8 myńnan astam el azamattaryna medıtsınalyq kómek kórsetti
ASTANA. 1 sáýir. QazAqparat - Jyl basynan bastap TJM-nyń «Densaýlyq» jáne «Járdem» konsýltatıvti-dıagnostıkalyq poıyzdary aýyldardyń, stantsııalar men razezderdiń 8015 turǵynyna oblystyq mańyzy bar klınıkalar deńgeıinde mamandandyrylǵan medıtsınalyq kómek kórsetti. Bul týraly búgin QR Tótenshe jaǵdaılar mınıstrliginiń málimeterinde aıtylǵan.
TJM temirjol gospıtaldarynda 42169 dıagnostıkalyq zertteý júrgizildi, dárigerge barǵan adamdardyń sany 66429-dy qurady. Poıyz mamandary 7131 aýrýdy tirkedi, sonyń ishinde 954-i balalar aýrýy.
Aıta keteıik, aǵymdaǵy jylǵy 29 naýryzda «Salamatty Qazaqstan» úshinshi medıtsınalyq poıyzy óz jumysyn Shyǵys Qazaqstan oblysynyń Tańsyq stantsııasynan bastady.
