Densaýlyq poıyzdary 180 myńnan astam adamǵa medıtsınalyq kómek kórsetti
ASTANA. 18 maýsym. QazAqparat - «Densaýlyq», «Járdem» jáne «Salamatty Qazaqstan» medıtsınalyq poıyzdary 2010 jyldan beri 180 myńnan astam adamǵa medıtsınalyq kómek kórsetti. Bul týraly búgin konsýltatıvtik-dıagnostıkalyq poıyzdardyń bas dárigeri Syrym Ashǵalıev málim etti.
Onyń atap ótýinshe, medıtsınalyq poıyzdardyń vagondary zamanaýı klınıkalyq dıagnostıkalyq aspaptarmen, rentgenologııalyq jáne qosalqy qural-saımandarmen jabdyqtalǵan. Sonymen qatar 18 joǵary bilikti dáriger medıtsınalyq kómek kórsetedi.
S.Ashǵalıevtiń sózine qaraǵanda, aǵymdaǵy jyly «Salamatty Qazaqstan» poıyzynyń dárigerleri Shyǵys Qazaqstan men Qostanaı oblystarynyń 36 stansasynda 59 kún jumys istep, 9027 turǵyndy tekserdi. «Densaýlyq» poıyzynyń dárigerleri 97 kúnde Jambyl, Almaty jáne Qyzylorda oblystarynyń 72 stansasyna baryp, 13463 turǵyndy qarady. Al «Járdem» poıyzy 85 kún boıy Mańǵystaýdyń 43 stansasynda turatyn 11474 turǵyndy tekserýden ótkizdi.
