DENSAÝLYQ: Ótpe jel tumaý shaqyrady ma?
ASTANA. QazAqparat - Ótpe jelge ár eldiń halqy ártúrli qaraıdy. Mysaly, eýropalyqtardyń kóbi bólmeniń esigi men terezesin bir ýaqytta ashyp qoısa, tumaý tez ustaıtynyn aıtsa, amerıkalyqtar kerisinshe páterde azdap jel bolǵandyǵyn durys kóredi.
Negizinen, tumaý jaıdan-jaı bolmaıdy. Árbir tumaýdyń, ne tamaq aýrýynyń bir ǵana sebebi bar, ol - vırýs. Jaı ǵana samal jeldiń ózi bir adamnan ekinshi adamǵa mıkroorganızmderdi belsendi tasymaldaıdy, ıaǵnı ótpe jel vırýstyń aýa jolymen taralýyna birden-bir sebepker. Sondaı-aq, aýrý týǵyzatyn mıkroaǵzalar adam tolyq saý bolǵan ýaqyttyń ózinde de jutqynshaqta tirshilik etedi. Tynys joldarynyń shyryshty qabyǵy jutqynshaqtaǵy túrli vırýstar men bakterıalardyń aǵzaǵa enip ketýinen saqtap turady.
Adam aǵzasy ótpe jelden sýyqtap qalsa, qan tamyrlarynyń tarylyp, ımmýndyq júıege az jasýshalar tasymaldaıtyn bolǵandyqtan aýrý týǵyzǵyshtar belsendi túrde kóbeıe túsedi. Biraq jyly men sýyqtyń jyldam almasyp turýy aǵzanyń qorshaǵan ortadaǵy ózgeristerge tez jaýap qaıtarýǵa jattyqtyratyndyǵyn eskersek, ótpe jel bir jaǵynan paıdaly ekendigin kóremiz. Salqyn aýa jazdyń ystyq kúninde aǵzanyń jylylyq soqqy alýyna jol bermeıdi. Turaqty jyly aýada vırýstar qozǵalmaly sýyq aýaǵa qaraǵanda jyldam kóbeıetindigin bilip júrgendigimiz abzal.
Qoryta kelgende dárigerler áli kúnge deıin ótpe jel týraly ortaq pikirge kelmedi. Eger ótpe jeldi jasaý arqyly temperatýranyń turaqtylyǵyn saqtap, aǵzany shynyqtyryp tursaq, ol tumaýǵa shaldyǵýdyń aldyn alýy da múmkin.
yvision.kz saıtynan alyndy.
