DENSAÝLYQ: Monshanyń paıdasy

Monsha bizdiń denemizdi, janymyzdy jáne mıymyzdy tazalaıdy, kerek emes oılardan jáne qarama-qaıshy nıetterden arylý úshin «Sen monshaǵa barshy!» dep halyq beker aıtpaǵan. Monsha - kóptegen halyqtarda qoldanylatyn ártúrli aýrýlarmen kúresýdiń qýatty quraly.

Ǵalymdardyń zertteýine sensek, durys uıymdastyrylǵan monshanyń protsedýrasy qarqyndy sporttyq jattyǵýmen básekelestikke túsetinin bekitýge bolady. Joǵary temperatýra áserinen, qan belsene aınalady jáne ottegimen qanyǵady, tazalanady.

Býlaný adamnyń júrek-tamyryna júktemeni joǵarylatady, tıimdiligi boıynsha kardıojúktemege uqsas. Atap aıtqanda, ómir beınesinde az qozǵalatyn adamdar úshin monsha erekshe paıdaly.

Monsha jáne aldyn alý

Monsha aǵzany tamasha tazartady jáne bekitedi. Monsha protsedýrasy - sýyqtyń aldyn alýdyń tamasha profılaktıkasy. Aýanyń joǵary temperatýrasy sterıldikke jaqyn ortany jasaıdy. Sondyqtan monshada, kóptegen kelýshiler bolsada, eshqandaı qaýipti bakterııa bolmaıdy.

Monshaǵa turaqty barǵannyń paıdasy, tamyrlarǵa tamasha nátıjeli áseri bar. Temperatýranyń tez aýysýynan, tamyrlar keńeıip jáne tartylady, sonymen birge júrek-tamyry aýrýynyń aldyn alý profılaktıkasyn júzege asyrady.

Monsha jáne sulýlyq

Súıkimdi áıelder, eshqandaı qymbat tazalaý kosmetıkasy monsha tıimdiligi boıynsha básekelestikke túse almaıdy! Bý teriniń kletkalaryn tolyq tazalaıdy jáne keńeıtedi. Al monshanyń birneshe protsedýrasy teriniń fızıologııalyq quramyn kóbeıtedi, qan aınalymyn jaqsartady jáne maıdyń aýysýyn retteıdi. Sondyqtan jaqsy balama bar kezde, páterde úıdegilerdi qorqytyp tazartatyn maskada júrýdiń qajeti joq.

Monshaǵa barǵan ýaqytta aǵzadan 1,5 lıtr terge deıin shyǵady, olarmen birge zııandy tuzdar jáne t.b. Bulshyq etter stresten jáne qatty sharshaý saldarynan jınalǵan sút qyshqylynan arylady. Sondyqtan biz monshadan keıin, keremet jeńildikti sezinemiz.

Monsha protsedýrasynan kimge saqtaný kerek?

Eger Siz qandaıda bir aýrýmen, ásirese sozylmaly aýrýmen aýyratyn bolsańyz, mysaly, gıpertonııa, qoıanshyq aýrýy, qan azdyǵy, gepatıt, teriniń nemese jynys júıesiniń aýrýy, siz júrek ustamasyna shaldyqqan nemese ózgede júrek aýrýymen aýyrǵan bolsańyz - Sizge monshaǵa barýdan aýlaq bolý kerek. Birinshiden, dárigerge baryp keńes alǵanyńyz abzal bolar. Sonymen birge kóńildi keshterden keıin monsha prodedýrasynan ustanǵanyńyz jón bolar. Aǵza ishimdiktiń áserinen keıin taǵy bir júkteme ystyqpen juptasa almaıdy. Monshaǵa barar aldynda tómen kalorııaly (azdap jemisterdi nemese kókónisterdi, sút ónimderin) jeýdi usynady.

Sypyrǵysh - monshanyń basty atrıbýty

Deneni sypyrǵyshpen jaqsylap óńdeý - qan aınalymyn jaqsartatyn óte tamasha massaj, qan aınalymyn, ter shyǵýdy jáne zat almasýyn kúsheıtedi. Sypyrǵyshpen qarqyndy seans teriniń ashylýyna jáne zııandy shlaktardy shyǵarýǵa áser etedi. Biraq qolǵa túsken birinshi butany sypyrǵysh daıyndaý úshin qoldanǵan durys emes! Ártúrli aýrýlardan saqtaný úshin «Óz» sypyrǵyshyńdy paıdalanýǵa keńes beremiz. Eń tanymal qaıyń sypyrǵyshy júktemeden keıin paıda bolǵan bulshyq etter jáne býyndar aýyrǵan kezinde óte jaqsy kómektesedi. Sonymen birge qaıyń sypyrǵyshy jaraqattar jáne jaralar kezinde kómektesetin antıseptıkalyq qasıetterimen tanymal. Sonymen birge qaıyń sypyrǵyshy maıda qolqalardy keńeıtedi, qaqyryq bólinýge áser etedi jáne ókpeniniń aınalymyn jaqsartady. Qaıyń sypyrǵyshynan keıin jeńil dem alady! Sondyqtan ol demikpe aýrýymen aýyratyn adamdar úshin paıdaly.

Eger Sizdiń terińiz maıly bolsa - onda Sizge emen sypyrǵyshy kómektesedi. Terińiz ádemi jáne serpimdi bolady. Sonymen birge onyń sýyqqa qarsy tıimdiligi joǵary. Onyń qanyqqan hosh ıisi gıpertonıkterge óte paıdaly - óıtkeni arterııa qysymynyń kóterilýine jol bermeıdi. Bul sypyrǵysh streske jaqsy kómektesedi. Aýyr eńbek aptasynan nemese janjaldan keıin budan asqan kómek quraly joq.

Jóke sypyrǵyshy - sýyq tıgen kezinde jaqsy dáriger. Ol bas aýyrǵan kezinde tıimdi, sonymen qatar qyzýdy túsiretin jáne zári aıdaǵysh dári retinde tabylady. Bul sypyrǵysh teri bólýdi retteıdi jáne sýyq tıgen kezinde almastyrǵysyz.

Qylqan sypyrǵyshy (samyrsyn, arsha) ter shyǵarýdy kúsheıtedi. Bulshyq etterde jáne ishki organdarda qan aınalymyn tereń jedeldetýge áser etedi. Omyrtqadaǵy aýrýlar, býynnyń qabynýy, radıkýlıtpen aýyrǵan kezinde paıdalansa bolady. Onyń antıseptıkalyq múmkindikteri respıratorlar aýrýynyń damýyna jol bermeıdi.

Qalaqaıdan jınalǵan sypyrǵysh qarqyndy fızıkalyq júktemeden keıin, bulshyq etter jáne býyndardyń aýyrǵan kezinde óte paıdaly bolady.

Osy sypyrǵyshpen ózińizdi jigerlep sabańyz, deneńizdegi jaǵymsyz sezinýler týraly umytyp ketesiz. Tek qana sypyrǵyshty qoldaný aldynda qaınaǵan sýmen jaqsylap býlaý kerek.

Jańadan kelgender úshin nusqaýlar

Bul iste eń bastysy - rettilik. Birden joǵarǵy qatarǵa shyǵyp jáne qyzýǵa boı aldyrýǵa bolmaıdy. Aldymen, tómendegi qatarda otyryńyz, al bes mınýttan keıin joǵary kóterilińiz. Jańadan kelgender úshin býda bolý ýaqyty bes mınýttan artyq bolmaýy tıis, tájirıbeli kelýshiler úshin - jarty saǵattan artyq emes. Býlanýmen birge qosymsha paıdany túımedaǵy, kıikshóp, shaıshóp, evkalıpt, shalfeı shópterinen jasalǵan ıngalıatsııa beredi. Sonymen birge óz qalaýyńyz boıynsha efır maıyn qoldanýǵa bolady. Hosh ıisten dem alyp jáne lázzattanyńyz.

Eskertý: Monshaǵa túserde asqazandy toltyryp alyp nemese ashqarynmen barýǵa bolmaıdy.

Aqparat ınternetten alyndy.