Densaýlyq mınıstrliginiń Medıtsınalyq qyzmetterge tólem jasaý komıteti joıylady

ASTANA. QazAqparat - QR Densaýlyq saqtaý mınıstrligine qarasty Medıtsınalyq qyzmetterge tólem jasaý komıteti taratylady. Bul týraly búgin QR Parlamenti Májilisiniń Áleýmettik-mádenı damý komıtetiniń otyrysynda Densaýlyq saqtaý vıtse-mınıstri Lázzat Aqtaeva aıtty, dep habarlaıdy QazAqparat.

«2018 jyldyń 1 qańtarynan bastap Áleýmettik medıtsınalyq saqtandyrý qory tegin medıtsınalyq kómektiń kepildendirilgen kóleminiń operatoryna aınalady. Medıtsınalyq qyzmetterge tólem jasaý komıteti joıylady», - dedi vıtse-mıınstr.

Onyń aıtýynsha, osyǵan baılanysty 2020 jyldyń 1 qańtaryna deıin medıtsınalyq qyzmetterdi josparlaý, satyp alý, sapasyn baqylaý bóliginde barlyq bıznes-protsessterdi úılestirý, densaýlyq saqtaý sýbektilerine medıtsınalyq qyzmet úshin tólemder jasaý máseleleri ázirlenetin bolady.

«Búgingi kúni densaýlyq saqtaý sýbektileriniń bazasy quryldy jáne qor tegin medıtsınalyq kómektiń kepildendirilgen kólemin kórsetetin densaýlyq saqtaý sýbektilerinen qyzmetterdi satyp alý protsedýrasyna kirisetin bolady», - dedi Aqtaeva.