Densaýlyq mınıstrliginiń alqa májilisine jınalǵandar bı bıledi

ASTANA. QazAqparat - Búgin elordadaǵy «Qazmedıa» ortalyǵynda QR Densaýlyq saqtaý mınıstrliginiń keńeıtilgen alqa májilisi ótti. Onyń sońynda vedomstvo qyzmetkerleri jappaı oryndarynan turyp, jattyǵý jasap, bı bıleýge kiristi, dep habarlaıdy QazAqparat tilshisi.

Biraq Eljan Birtanovtyń boı jazýǵa ýaqyty bolmady. Ol baıandama jasap bolǵannan keıin, kelesi jıynǵa asyǵys ekenin aıtyp, zaldan shyǵyp ketti. Al áriptesterin jattyǵý jasaýǵa shaqyrdy.

«Premer-Mınıstrdiń otyrysyna ketip baramyn. Zaldan eshqaısylaryńyzdyń ketpeýlerińizdi ótinemin. «Healthy Break» («Salaýatty úzilic») dep atalatyn shaǵyn úzilis jasaǵym keledi. Bul úzdik halyqaralyq dástúrge saı kishirek jattyǵý sanalady. Ol úshin sizderge oryndaryńyzdan turyp, biraz sekirip alýǵa týra keledi», - dedi ol.

Osydan keıin zalda otyrǵan densaýlyq salasy mamandarynyń barlyǵy oryndarynan turyp, mýzyka yrǵaǵymen dene jattyǵýlaryn jasady. Aıta keterligi, oǵan Densaýlyq saqtaý mınıstriniń orynbasarlary, komıtetter basshylary, QR Parlamenti Májilisiniń depýtaty - DSM janyndaǵy Patsıentterdiń quqyqtaryn qorǵaý jónindegi qoǵamdyq keńestiń tóraıymy Nadejda Petýhova da belsene qatysty.

Aıta keteıik, búgingi alqa májilisinde QR Densaýlyq saqtaý mınıstri Eljan Birtanov naýqasty aýrýhanaǵa jatqyzýdaǵy bylyqtardy ashyq aıtyp berdi. Jıynda qazaqstandyq dárigerlerdiń ortasha jalaqysy da aıtyldy.

Sondaı-aq vedomstvo basshysynyń pikirinshe, óńirlerde dárigerler tapshylyǵyn joıý jergilikti atqarýshy organdardyń jumysy.

Málim bolǵandaı, elimizde emhanaǵa tirkelmegen 1,4 mıllıonǵa jýyq adam bar.