Densaýlyq mınıstrliginde G-GLOBAL kommýnıkatıvtik ınternet alańyna arnalǵan selektorlyq keńes ótti

ASTANA. 13 jeltoqsan. QazAqparat - 12 jeltoqsan kúni Qazaqstan Respýblıkasynyń Densaýlyq saqtaý mınıstrliginde selektorlyq rejimde G-GLOBAL kommýnıkatıvtik ınternet alańy máselelerine arnalǵan jıyn bolyp ótti.

Bul týraly mınıstrliktiń baspasóz qyzmetinen málim etti.

Keńeske mınıstrliktiń jetekshileri, respýblıkalyq jáne óńirlik densaýlyq saqtaý uıymdarynyń basshylary qatysty.  

QR Parlamenti Senatynyń depýtaty S.N.Nógerbekov Memleket basshysynyń bastamasy - Astana ekonomıkalyq forýmy bazasynda barlyq múddeli taraptar, halyqaralyq uıymdar, sarapshylar toby, álemdik qoǵamdastyqtyń kópjaqty ózara is-árekettestiginiń jańa - G-GLOBAL formaty týraly áńgimeledi.

G-GLOBAL - áleýmettik-ekonomıkalyq, saıası jáne ózge de máseleler boıynsha ınteraktıvtik, ashyq jáne jarııa pikirtalastar, debattar úshin jaǵdaı jasaıtyn kópfýnktsıonaldyq ınternet platformasy.

Jıynda jobanyń mańyzdylyǵy atap ótilip, jıynǵa qatysýshylardy G-GLOBAL-ǵa tirkelip, belsendi atsalysýǵa shaqyrdy.  

Densaýlyq saqtaý uıymdary jetekshileri G-GLOBAL platformasyna belsendi tirkelýde. Nátıjesinde portaldy tolyqtyrý jáne nasıhattaý, mınıstrlikke qarasty uıymdardyń qyzmetkerlerin G-GLOBAL kommýnıkatıvtik ınternet alańyna ári qaraı tartý kózdelýde.