Densaýlyq mınıstrligi jeke kásipkerlik sýbektileriniń birlestikterin akkredıtteýden ótkizdi
Osy oraıda Densaýlyq saqtaý mınıstri «Qazaqstan Respýblıkasy Densaýlyq saqtaý mınıstrliginiń janynda jeke kásipkerlik sýbektileri birlestikterin akkredıtteý týraly» buıryq shyǵardy, dep habarlaıdy vedomstvonyń baspasóz qyzmeti.
Akkredıtteýdiń maqsaty - akkredıttelgen sýbektiler birlestiginiń jeke kásipkerlik sýbektileriniń múddelerine qatysy bar normatıvtik-quqyqtyq aktilerin jasaqtaýǵa mindetti túrde qatysýy.
Akkredıtteý QR Úkimetiniń 2015 jyldyń 28 jeltoqsanyndaǵy № 1089 qaýlysymen bekitilgen jeke kásipkerlik sýbektileriniń birlestikterin akkredıtteý erejelerine saı júrgizildi.
Aıta keterligi, jeke kásipkerlik sýbektileriniń akkredıttelgen birlestikteriniń tizimine «Qazaqstan Respýblıkasy farmatsevtıkalyq óndirýshileriniń halyqaralyq qaýymdastyǵy» zańdy tulǵalar birlestigi; «Qazaqstandyq tabıǵat paıdalanýshylarynyń turaqty damý qaýymdastyǵy»; «QazAlko» Qazaqstannyń alkogoldik ónimderdi adal óndirýshileri men satýshylary qaýymdastyǵy; «Kórý qabiletin túzetý ónimderin óndirýshiler qaýymdastyǵy»; «KazWaste» qaldyqtardy basqarý qazaqstandyq qaýymdastyǵy; «KAZENERGY» munaı-gaz jáne energetıkalyq keshen uıymdarynyń qazaqstandyq qaýymdastyǵy;«Medıtsınalyq tehnıka merdigerleriniń qaýymdastyǵy», «Qazaqstan Farmmedóndiris» Qazaqstannyń farmatsevtıkalyq jáne medıtsınalyq ónimderdi óndirýshiler qaýymdastyǵy bar.
Sonymen qatar, Eýrazııalyq ónerkásiptik qaýymdastyq, «Eýrazııalyq medıtsınalyq qaýymdastyq» zańdy tulǵalar birlestigi, «Ulttyq densaýlyq saqtaý palatasy» jeke kásipkerler men zańdy tulǵalar birlestigi; «ZdravAtameken» densaýlyq saqtaý sýbektileriniń birlestigi de akkredıtteýden ótti.