Densaýlyq mınıstrligi tumaý men JRVI boıynsha epıdjaǵdaıdy aıtty
Mınıstrliktiń resmı saıtynda málim etilgendeı, 20 qazandaǵy jaǵdaı boıynsha, respýblıkada JRVI jáne tumaý boıynsha epıdemıologııalyq jaǵdaı turaqty.
«Tumaý jaǵdaılary tirkelmegen, epıdemıologııalyq maýsym bastalǵaly beri (2018 jylǵy 1 qazannan bastap) JRVI-dyń 23203 jaǵdaıy tirkeldi (syrqattaný kórsetkishi - 127,0). Syrqattaný deńgeıi ótken jyldyń deńgeıinen 7% tómen. JRVI-men aýyrǵan adamdardyń negizgi bóligin 14 jasqa deıingi balalar quraıdy (66,1 %)», - delingen vedomstvo habarlamasynda.
Vaktsınatsııa kampanııasy bastalǵaly Qazaqstanda tumaýǵa qarsy 1 mln 243 myń 419 adam egilgen.
«Bul, jalpy respýblıka halqynyń 6,8 % quraıdy, onyń ishinde 32% - 14 jasqa deıingi balalar, 68% - eresekter. Vaktsınatsııadan keıingi asqynýlar tirkelmegen», - dedi mınıstrlikten.
Tumaý jáne JRVI-diń aldyn alý sharalary aǵzanyń ózindik qorǵanysh kúshin nyǵaıtýǵa baǵyttalǵan jáne vaktsınatsııamen qatar júrgiziledi.
Spetsıfıkalyq emes qorǵanysh retinde ımmýnıtetti jaqsartý preparattary (anaferon, ınterferon, vıferon, ınterferon ındýktory), vırýsqa qarsy jaqpamaılar (oksalın, antıvır jáne t.b.), polıvıtamınder qoldanylady.
Sondaı-aq dárigerler JRVI-men aýyratyn adamdarmen qarym-qatynasta bolǵan kezde betperde kııýge, qoldy sabynmen nemese antıbakterıaldyq zattarmen (quramynda spırt eritindisi bar) jýýǵa, jótelgende jáne túshkirgende bir ret paıdalanylatyn oramal nemese sýlyqtardy paıdalanýǵa keńes beredi. Budan bólek, kózdi, muryn jáne aýyzdy las qolmen ustamaý, adamdar kóp jınalatyn oryndarǵa barýdy shekteý (oıyn-saýyq jáne sporttyq is-sharalar, jınalystar, kezdesýler jáne t.b.), baspanany turaqty jeldetý, salaýatty ómir saltyn ustaný (jaqsy uıqy, taza aýa, belsendi demalys, dárýmenderge baı qunarly tamaq) qajet.
Aǵzany shynyqtyrý joldary: tamaqty salqyn sýmen shaıý, kontrasty dýsh qabyldaý, basseınge barý.
Naýqas adam úıde bolǵan jaǵdaıda ony oqshaýlaýdy qamtamasyz etý, naýqas jáne saý adamdar da betperdeni paıdalanýy qajet.