Densaýlyq mınıstrligi Spýtnık vaktsınasyna qatysty depýtattyq saýalǵa jaýap berdi
***
Parlament Májilisiniń depýtaty Amanjan Jamalovtyń budan buryn jalpy otyrysta aıtylǵan depýtattyq saýalyna jaýap retinde mynany habarlaımyz.
Budan buryn OKQ alańynda habarlanǵandaı, QR Densaýlyq saqtaý mınıstrligi Spýtnık V vaktsınasyn ázirleýshilerden RǴA akademıgi, Gamaleıa atyndaǵy epıdemıologııa jáne mıkrobıologııa ulttyq zertteý ortalyǵynyń dırektory Aleksandr Gıntsbýrgtiń «Sputnik V vaktsınasynyń 1 komponenti men 2 komponentin engizý arasyndaǵy aralyqty eń tómengi múmkin 21 kúnnen 90 kúnge deıin kóbeıtýge bolady» jáne de «Vaktsına dozalary arasyndaǵy aralyqtyń ulǵaıýy ımmýndyq jaýaptyń kúshine áser etpeıdi, al keıbir jaǵdaılarda ımmýnıtettiń joǵary belsendiligine alyp keledi» degen qoly qoıylǵan resmı hat aldy.
Ázirleýshiniń osy usynysyn basshylyqqa ala otyryp, QR Bas memlekettik sanıtarlyq dárigeriniń qaýlysyna «Spýtnık V» ekinshi komponentimen vaktsınatsııalaý merzimin 21-den 45 kúnge deıin uzartý boıynsha ózgeris engizildi. Bul rette, qajet bolǵan jaǵdaıda, Qazaqstan azamattary vaktsınanyń birinshi komponentin alǵan jeri boıynsha ótinish bere alady jáne 21-shi kúni ekinshi komponentti ala alady.
Osylaısha, vaktsınanyń eki komponenti arasyndaǵy ınterval boıynsha QR Bas memlekettik sanıtarlyq dárigeriniń ustanymy quqyqtyq negizge ıe jáne Telegramm-arnadan alynǵan úzindilerde emes, preparatty ázirleýshiniń resmı túsindirmesinde qalyptasqan.
Esterińizge sala keteıik, respýblıkanyń Bas sanıtarlyq dárigeriniń qyzmeti Qazaqstan halqynyń densaýlyǵy týraly kodekspen retteledi.
Jalpy, aralyqtyń ulǵaıýy ımmýndaýdy edáýir jedeldetýge múmkindik beredi, al vaktsınanyń birinshi komponentin engizý antıdeneler shyǵarýdy qamtamasyz etýge jáne 3 aptadan keıin azamattarda ımmýnıtettiń qalyptasýyna múmkindik beredi. «Spýtnık V» vaktsınasynyń ekinshi komponenti jetkilikti mólsherde bar ekenin aıta ketý kerek.
Osy aptada ekinshi komponenttiń vaktsınalary 400 myń dana kóleminde keledi dep kútilýde. Koronavırýstyq ınfektsııaǵa qarsy vaktsınalardy elge jetkizý kestege sáıkes júrgizilýde jáne jetkilikti mólsherde, tapshylyq baıqalmaıdy.
QR Densaýlyq saqtaý mınıstrligi barlyq azamattardy sanıtarlyq normalardy ǵana emes, aqparattyq gıgıena erejelerin de qatań saqtaýǵa shaqyrady. Bul, eń aldymen, ártúrli baılanys arnalary arqyly taratylatyn jalǵan jáne arandatýshylyq aqparattarǵa senbeı, koronavırýstyq ınfektsııamen kúres jónindegi resmı kózderden alynǵan aqparatty paıdalanýdy bildiredi.
