Densaýlyq mınıstrligi saılaý kúnindegi saqtyq sharalaryn atady

ASTANA. QazAqparat –Densaýlyq saqtaý mınıstrligi eldegi epıdemıologııalyq ahýalǵa baılanysty 19 naýryz – saılaý kúninde birqatar saqtyq is-sharasyn ustanýǵa shaqyrdy, dep habarlaıdy QazAqparat tilshisi.

«Qazirgi ýaqytta qyzylshaǵa shaldyǵý úlken alańdaýshylyq týdyryp otyr. Osy jyldyń basynan beri qyzylsha kúdigimen 56 jaǵdaı tirkeldi. Onyń ishinde búginde zerthanalyq rastalǵany – 20 jaǵdaı. 20 jaǵdaıǵa zertteý jalǵasyp jatyr. Qyzylsha joǵary sezimtaldyqpen sıpattalady. Aýa-tamshy jolymen beriledi jáne egilmegen adamdarǵa 100 paıyz qaýip tóndiredi», - dedi Densaýlyq saqtaý vıtse-mınıstri Aıjan Esmaǵambetova Ortalyq saılaý komıssııasynyń otyrysynda.

Onyń atap ótýinshe, saılaýdyń jańa formatyna sáıkes, saılaý ýchaskesinde bir ýaqytta saılaý komıssııanyń músheleri, baıqaýshylar jáne senimdi adamdardy qosqanda kóp adam jınalýy múmkin.

Osyǵan baılanysty Densaýlyq saqtaý mınıstrligi respýblıkamyzda qyzylsha, koronavırýs ınfektsııasy boıynsha aǵymdaǵy jaǵdaıdy eskere otyryp:

- úı-jaılardyń bir adamǵa keminde 4 sharshy metr esebimen toltyrylýyn;

- saılaý protsesine qatysýshylardyń jınalýyna jol bermeı, olardyń aǵymyn retteýdi;

- úı-jaılarda jeldetkish/aýa baptaý júıeleriniń úzilissiz jumys isteýin;

- jasandy aýa jeldetkish júıesi bolmaǵan jaǵdaıda úı-jaıdy turaqty túrde jeldetýdi;

- daýys berý bastalar aldynda jáne qajettilikke baılanysty kúni boıy úı-jaıdy jeldetýdi; - daýys berý bastalar aldynda jáne qajettilikke baılanysty kúni boıy jýý quraldaryn qoldana otyryp, ylǵaldy tazartý júrgizýdi, dezınfektsııa jasaýdy qamtamasyz etýdi usynady.

Sondaı-aq A.Esmaǵambetova el óńirlerinde JRVI órship turǵanyn aıtqan bolatyn. Budan bólek, saılaý kúni maska kıip barýǵa keńes berdi.