Densaýlyq mınıstrligi obyrdy erte anyqtaıtyn jobany iske qosty
«Densaýlyq saqtaý salasyndaǵy jasandy ıntellekt: Ǵylym + Medıtsına + AT + Qazaqstandyq áleýet = qoldanbaly sıpattaǵy biregeı sheshim. 2019 jyldyń shilde aıynda aqparattyq tehnologııalyq gıgant ІVM onkologııalyq aýrýlarmen kúresý baǵytynda jasandy ıntellekttiń úsh quralyna qoljetimdilikti qamtamasyz etti. Algorıtmderdi paıdalaný men ony ary qaraı jetildirý obyr aýrýyn erterek anyqtap, emdeýdiń jańa ádisterin anyqtaýǵa múmkindik beredi. Algorıtm keleshegi joq nusqalardyń bárin qyryp-joıyp, testileýge ketetin shyǵyndy qysqartady», - dep jazady vıtse-mınıstr Oljas Ábishev Facebook-te.
Vıtse-mınıstrdiń habarlaýynsha, basqa algorıtmder mańyzdy jańartýlar boıynsha medıtsınalyq jýrnaldardy taldap, árbir patsıent úshin jeke kútimdi tańdaıdy.
«Atalǵan algorıtmderdi paıdalaný obyrmen ǵana emes, basqa da qaýipti aýrýlarmen kúresýge jol ashady», - deıdi ol.
Densaýlyq saqtaý mınıstrliginiń Tsıfrlandyrý keńsesi II algorıtmderin paıdalaný men jetildirý boıynsha jobanyń tolyqqandy iske qosylǵanyn jarııalaıdy. Joba Qazaqstannyń 5 medıtsınalyq JOO-synda jáne Ulttyq onkologııa jáne radıologııa zertteý ınstıtýtynda bastalyp ketken. Olar:
- Asfendııarov atyndaǵy Qazaq ulttyq medıtsınalyq ýnıversıteti;
- Astana medıtsınalyq ýnıversıteti;
- Qaraǵandy medıtsınalyq ýnıversıteti;
- Semeı medıtsınalyq ýnıversıteti;
- Ospanov atyndaǵy BQO medıtsınalyq ýnıversıteti;
- Qazaq Ulttyq onkologııa jáne radıologııa zertteý ınstıtýty.
«Atalǵan quraldardy paıdalaný medıtsına ǵylymynyń damýyna serpin berip, qaýipti aýrýlarda emdeýdiń jańa ádisterin daıyndaýǵa serpin berer degen senimdemiz», - dedi Oljas Ábishev.