Densaýlyq mınıstrligi men farmatsevtıkalyq fırmalar arasynda dári baǵasyn ustap turý týraly memorandýmǵa qol qoıyldy
ASTANA. QazAqparat - QR Densaýlyq saqtaý mınıstrligi men farmatsevtıkalyq fırmalar arasynda dári-dármek baǵasyn ustap turý týraly memorandýmǵa qol qoıyldy, dep habarlady atalǵan vedomstvonyń baspasóz qyzmetinen.
«13 aqpanda QR Densaýlyq saqtaý mınıstri S.Qaıyrbekova «Farmqyzmetti qoldaý jáne damytý qaýymdastyǵymen», farmatsevtıkalyq ónimder dıstrıbıýtorlarymen, farmatsevtıkalyq fırmalar ókildikterimen, «Qazaqstannyń FarmMedIndýstrııasy» qaýymdastyǵymen, «Ulttyq densaýlyq saqtaý palatasy» ZTB dárilik quraldarǵa baǵany ustap turý týraly Memorandýmǵa qol qoıdy», - delingen aqparatta.
Vedomstvonyń atap ótýinshe, Memorandýmǵa qol qoıýdaǵy maqsat - tegin medıtsınalyq kómektiń kepildik berilgen kólemine kirmegen, áleýmettik osal jáne az qamtylǵan turǵyndar jıi qoldanatyn 200-den astam dárilerge baǵa shegin belgileý jáne dárilerge qoıylatyn ústeme baǵany tómendetýge baǵyttalǵan ózge de is-sharalar qabyldaý.
