Densaýlyq mınıstrligi dárigerlerdiń bilimi men tájirıbelik mashyǵyn baǵalaý jumystaryn qorytyndylady
Aǵymdaǵy jyldyń 1 qyrkúıegindegi málimetterge sáıkes, respýblıkanyń barlyq aımaǵynyń 5588 adamy biliktilik emtıhanynan ótti. 4434 úmitker jaqsy kórsetkishke ıe bolyp, respýblıka boıynsha emtıhandy sátti tapsyrýdyń ortasha kórsetkishi 79%-dy qurady, dep habarlaıdy vedomstvonyń baspasóz qyzmetinen.
Bilim men tájirıbeliik mashyqtardy baǵalaýdy tapsyra almaǵan dárigerler málimdengen mamandyq boıynsha 108 saǵattan kem emes biliktilikti arttyrý kýrsyn qosymsha ótkendigi týraly qujattardy usynǵannan keıin biliktilik emtıhanyn qaıtadan tapsyrýǵa jiberiledi.
Biliktilik emtıhanyn sátti tapsyrǵan mamandardyń eń joǵarǵy kórsetkishi Qostanaı (98%), Batys Qazaqstan (96%), Soltústik Qazaqstan (91%) jáne Almaty (91%) oblystarynyń enshisinde.
Dárigerlerdiń bilimi men tájirıbelik mashyqtaryn baǵalaý olardyń jedel járdem kórsetý mashyǵyn meńgerý deńgeıin anyqtaý negizinde toqsan saıyn ótkiziledi.
Esterińizge sala keteıik, 2015 jyly QR Densaýlyq saqtaý jáne áleýmettik damý mınıstrligi densaýlyq saqtaý salasy dáriger-uıymdastyrýshylary men menedjerlerin eseptemegende, dárigerlerdiń bilimi men tájirıbelik mashyqtaryn baǵalaý sharalaryn engizý boıynsha jumysty jalǵastyrǵan bolatyn.
Joǵarǵy, birinshi jáne ekinshi sanat úmitkerlerin baǵalaý arnaıy oqýdan ótken táýelsiz sarapshylar emtıhan alýshylarynyń qatysýymen ótkizildi.
Sonymen, 2015 jyldyń birinshi jartyjyldyǵynda 3882 dáriger baǵalaýdan ótip, olardyń 3017-si (78%) emtıhandy sátti tapsyrdy.