Densaýlyq mınıstrligi aqparatty jarııalaýǵa tyıym salmaıdy - Alekseı Tsoı
«Birinshiden Densaýlyq saqtaý mınıstrligi qandaı da bir málimetti jarııalaýǵa tyıym salmaǵan, tyıym salmaıdy da. Burynǵy aıtqan sózimniń konteksinen ındıkator týraly sóılegenim julynyp alynyp, jarııalanǵan. Biz aımaqtardyń jumysyn 19 ındıkator boıynsha baǵalaımyz. Sol ındıkatorlardyń ishinde negatıvti aqparattar boıynsha bólik bolǵan. Mundaǵy maǵyna tyıym salýda emes, bul biz úshin trıger – jumys qanshalyqty tıimdi júrgizilýde? Medıtsınalyq kómek qanshalyqty durys kórsetilýde, qyzmetkerler qanshalyqty kásibı, halyq qoljetimdi kómekti alyp jatyr ma – eger negatıvti pikirler tym kóp bolsa, ıaǵnı halyqpen durys jumys júrgizilmeı jatyr degen sóz. Demek biz osylaısha halyqqa kómektiń nemese aqparattyń ýaqtyly jetpegenin baqylap otyramyz. Maǵyna basqa edi. Alaıda bári ony qadaǵalaý dep túsinip qalǵan bolýy kerek. Bul – qoǵamnyń kóńil-kúıin baǵamdaý», - dedi Densaýlyq saqtaý mınıstri Alekseı Tsoı OKQ-da ótken baspasóz máslıhatynda.
Mınıstrdiń aıtýynsha osylaısha áleýmettik jeliler men jarııalanymdarǵa taldaý júrgizilip, aımaq basshylyǵy men óńirlerdegi densaýlyq saqtaý basqarmalarynyń jumysyna baǵa beriledi.
«Bul – halyqtyń kóńil-kúıiniń barometri. Basqa eshteńe joq. Bloktaýdy eshqashan josparlaǵan emespiz. Qoǵam uıymdarymen birge «Qoǵamdyq baqylaý» jobasyn da júrgizip jatqanymyzdy bilesizder. Óńirlerdegi áriptesterimiz, eriktilerimiz qazir dárihanalarǵa baryp, baǵasyn, qoljetimdiligin tekserýde», - dedi ol.
