Densaýlyq mınıstri naýqastardyń «qaltasyn qaǵýǵa» úndegen vıdeoǵa óz pikirin bildirdi

ASTANA. QazAqparat - QR Densaýlyq saqtaý mınıstri Eljan Birtanov naýqastardyń «qaltasyn qaǵýǵa» úndep jatqan dárigerge qatysty vıdeoǵa óz pikirin bildirdi, dep habarlaıdy QazAqparat.

«Bul qyzmettik ádepti qatań túrde buzý bolyp tabylady. Bul, basshylardyń basqarý táýekelderin durys túsinbeýinen týyndaýy múmkin», - dedi mınıstrlik basshysy «Eýrazııa» birinshi arnasyna bergen suhbatynda.

Eske salaıyq, WhatsApp messendjeri men Facebook áleýmettik jelisinde medıtsınalyq mekemelerdiń birinde ótken jınalystyń vıdeosy jarııalanyp, onda bas dáriger jospardy oryndaý úshin naýqastardyń «qaltasyn qaǵý» qajettigin aıtady.

Almaty qalalyq densaýlyq saqtaý basqarmasynyń buıryǵymen qurylǵan komıssııa beınejazba 2015 jyly №4 qalalyq klınıkalyq aýrýhananyń jınalystarynyń birinde túsirilgenin anyqtady. Keńesti emhananyń burynǵy bas dárigeri Amanov ótkizgen. Kadrlyq aýys-túıis aıasynda 2016 jyly ol №7 qalalyq klınıkalyq aýrýhanaǵa aýystyryldy.

Keıin belgili bolǵandaı, "ádepsiz" dáriger alyp otyrǵan qyzmetinen bosatyldy.